#NSS個人
[GUEST] 小妹最近真係好想去外國讀書 想知道咩方法可以說服到我屋企人…
小妹f2 其實我想去外國讀書已經唔係第一日嘅事 我亦都有同學屋企人講過 佢哋不斷話你自己一個人去我哋唔會陪你 你要自己一個人住學校宿舍 咩都要你自己搞掂 佢哋嗰陣時吹到勁大話去到冇人會理我冇人會幫我咁嚇我 嗰陣時我真係驚咁所以就打消左去外國嘅念頭 但我呢排又突然想去返 因為真係唔想留喺香港 但佢哋依舊係咁嚇我 我同佢哋講冇問題我搞得掂 我真係好想去英國 佢哋就話「去你個頭 留喺香港啦」我真係唔知可以點樣說服佢哋 屋企肯定夠錢 佢哋曾經話英國冇人理我跟住我真係淆底 佢哋以前成日話「你咪自己去囉 我哋唔會理你 你鍾意點咪點」而家我真係OK佢哋又唔肯 我喺香港真係唔開心 我好想去英國有得重新開始 亦都好想去擴大下自己嘅社交圈子 認識下唔同嘅人 同埋嗰邊讀書好似出路多啲 我咁樣同我屋企人講咗佢哋淨係好Hea答我一句「嗯」
但同時我都有好多唔捨得 例如我嫲嫲 我真係最唔捨得佢 佢係我細個嘅時候好照顧我 成日都陪我 我想趁佢身體仲健健康康陪佢多啲 仲有我親戚 我啲朋友 講真我只係純粹想去英國讀書 遲啲返香港做嘢 喺香港識男朋友（始終香港係比較有歸屬感）我驚返到嚟我啲朋友全部唔記得晒我 我驚我自己去寄宿會唔習慣 雖然我喺嗰度好多friend…都有好多嘢擔心
Sor for 1999,希望大家可以俾啲意見 我可以點樣說服屋企人 同埋點先可以做到放低晒所有唔捨得 我真係好驚你去到後悔 因為香港對我嚟講好多重要嘅人😓