#NSS愛情
[GUEST] 想分享下自己感受，想發洩下(;´༎ຶД༎ຶ`)。
應該或許係長文。
麻煩晒admin!
我係女仔，讀緊中學，鍾意左個老師。
等等先唔好走住，我都知我唔應該鍾意老師，但我唔係為左追潮流去鍾意一個老師，亦冇諗過居然會鍾意左一個老師，但係我喺不知不覺間就鍾意左佢。
一年前我識到呢個老師，一開始都係覺得佢好嚴格，都好驚佢。
但係當我傷心嘅時候佢會好溫柔地安慰我，當我唔交功課/學業追唔上佢都冇鬧過我，只係不斷鼓勵我。即使我已經欠交超過十樣功課佢都只係叫我要交返。
我覺得佢好好人，教書又好，於是我開始努力讀好佢嗰科，專心上佢堂，交齊佢嘅功課。
我之前一直都以為我係師生嘅鍾意佢，直到今年，佢冇教到我。
我開始成日都想搵佢，想同佢講野，想睇住佢。
我喺小息嘅時候會經過教員室就係為左睇佢一眼。
只要睇到佢我就已經好開心。
我真係好鍾意好鍾意好鍾意佢。
但係我地係師生關係，仲要係同性，點會有機會。
所以喺呢度我想問下大家，點樣先可以放低佢鍾意第二個。
我已經試過搵理想型嘅人、不斷睇漫畫試圖搵鍾意嘅角色、學習分散注意力。
但係我做唔到我個腦全部都係佢，我學習會想讀佢嗰科，行街想撞到佢，見到零食我想買比佢。
求下大家俾啲方法我，我真係唔想影響到佢。
麻煩晒admin!