#NSS學校
[南區某一間女子書院] 係咁嘅，一切都要由中三開始講起
我哋Science係一個「熱心教書」嘅老師教
，佢仲係科主任添！嗰陣時以為應該會教得我哋好好，一開頭學期初佢教嗰陣時覺得嗰啲已經係重點，都有幾個同學踴躍答佢啲問題，有唔識就問佢，因為嗰陣時教啲嘢都唔係好深，就算佢唔解得詳盡我已經覺得好清楚，考試前搵佢補課我哋尚算聽得明，嗰陣時佢都會肯抽時間同我哋補課，所以上年Science成績都唔錯，今年讀到chem ，起初以為自己讀到好開心，但其實並唔係。
到咗今年，我哋讀Chem嘅人只得小貓幾隻，都係名列前茅嘅同學，發現教我地chem嘅都係中三嘅Science老師，諗住會好似上年咁樣，個flow 會好好，教得明我哋先去下一課，但係又好似完全改變晒。
正常同學交完一份功課，兩日後老師應該改晒，只不過係得幾個人嘅功課，每份功課都得幾條，唔使一個鐘都改晒啦，試過我哋交咗份功課五日都未改。。。考試前叫佢擺番啲功課嘅PDF上去，佢仲要話每份擺都好麻煩，問佢可唔可以print啲past paper俾我哋，佢話自己上去Google Drive睇啦，但係喺Google Drive冇再前幾年嗰啲past paper。呢啲都算啦，佢嘅教學方式都幾「爽快」。
可以試過用一個星期教完一課，甚至三堂完一課。。。有時講嘅嘢仲要唔係重點，而家疫情上zoom 做唔到實驗，俾啲片嚟睇吓都好？梗係！冇啦！堂堂睇住佢畫圖，我心諗邊個會睇得明咁勁，抽象到死。有一part嘅實驗話可能會喺SBA做，可能到時返到學校佢都唔記得咗要同我哋做返，記得就最好啦。嗰一part嘅實驗要計數，佢用咗兩堂講晒，做咗一兩題數就話我哋識晒，心諗咁睇得起我。鬼唔知個個做嗰陣會抄書答案再理解返點解要咁做，一係搵補習老師問解釋。（*書嘅答案佢全部upload晒出嚟，唔係我哋要求）
如果佢真係按住佢自己個flow 繼續教落去，嚟緊考試一定會死，而家計嘅話就考足10 課書，遲啲就唔敢諗啦。我哋真係寧願佢教得慢啲，至少我哋明，反映咗出嚟比佢聽，冇作用。補習老師講得比較深入，教唔到咁快，好驚跟唔到上學校老師個flow 之後考試唔合格🥲。
純粹發洩
Sorry for 1999
多謝大家睇到呢度
Thanks admit 🙏🏻 baiiiii👋🏻