#NSS個人
[GUEST] 是咁的，小妹喺前幾排突然有啲喉嚨痛，但唔係好嚴重，就係有啲乾，但我屋企人都係建議我去睇下醫生，所以去咗樓下間診所。
可能因為依家covid太嚴重，所有職員都好似好驚我，想趕我走咁，咁都明白嘅畢竟依家呢個時勢人人自危，但我真心認為我只係普通感冒。
首先，個醫生先幫我量體溫，我冇發燒，但都唔否定中covid嘅可能性。成個過程好快，甚至連我咩病都唔講，好似一口咬定我中covid，想我快啲躝屍趌路咁。
過咗兩日之後，做咗個快速檢測，個result係positive，但講真我完成唔覺得自己中咗。
我冇發燒，冇發冷發熱，完全冇覺得攰同肌肉痛，甚至仲好精神添。
可能第一次check仲有啲感冒菌，有啲鼻水咁。但食多一日藥之後一朝起身，喉嚨已經完全唔痛，都冇哂鼻水，跟住夜晚再check多次，個result出得好慢而且個顏色好淺。
我見有人都係感冒only，快速測試出假愓性。都唔知個快速檢測準唔準，定係我呢個算係Omicorn？救命我依家真係極迷。
（大家唔使屌我著，就算我覺得自己冇中肺炎，我呢排都留喺屋企唔出街，唔使驚。）