#NSS個人
[GUEST] 唔知有冇人同我一樣都係有少少潔癖, 我特別係對廁所嗰方面。 我屋企廁所嗰個洗手盆隔離有個counter, 通常係放風筒/抹手毛巾嗰啲嘅, 咁有時我屋企人去完廁所,隻手未抹乾淨就fing到成個counter都係水, 我會睇唔過眼, 要抹到一滴水都冇為止, 仲成日會因為呢啲問題同屋企人嘈。 又有時候個廁所板成日都會有啲尿漬或者濕咗, 我又會落啲梘液或者係咁用水抹, 仲會因為個廁所太污糟 然後崩潰 qwq 最近我啲潔癖仲越嚟越嚴重, 幾乎要日日抹張書枱, 要一粒塵都冇為止, 如果唔係就好似發咗癲咁樣喺度抹。
我都頂唔順自己呢啲痴咗線嘅問題,但係又改變唔到,想問下有冇方法可以減少啲潔癖🥲thx