#NSS家庭
[GUEST] 小妹最近真係好唔開心 所以想喺到同大家分享🥺🙏🏻
最近第五波疫情真係好嚴重，到今日已經有50000宗。我依家每日都好擔心 自已或屋企人隨時會中😭第五波開始嘅時候本身都覺得冇乜嘢，疫情好快會完，但我真係太天真。
重點來了，我呀爸喺TVB做新聞部（已經做咗十幾年 佢都唔鐘意但都要做落去）佢不嬲工作輕鬆 但最近坐佢隔離個同事中咗，我地全家都好膽心 好彩做咗快檢冇事。當以為一天光晒，呢個禮拜呀爸一放工就要係咁打電話覆msg 佢全晩冇訓要搞工司嘢 好容易就發嬲 所以我地都廢事阻佢。
呢幾日呀媽身體有啲事 成日肚痛 我好擔心佢 。仲要因為呀爸忙 小咗傾計同講心事 我只可以收埋啲心事 自己係房喊。
今日呀爸放工返嚟，訓咗陣覺，起身得返我同佢喺廳。佢同我講 佢做嘢好忙 唔係特登嬲我地 呀爸話佢個部門好多人中招 唔夠人手做 公司又調唔到人手 佢好辛苦好累 個部門得返幾個人做嘢， 都唔知可以點算。我嗰陣忍住唔喊 驚佢地會擔心我。呀爸真係好累 呢幾日都冇笑過 我真係好擔心佢會捱唔到咁多工作 會病😭。佢又唔可以home office 冇乜時間休息 同埋少咗時間陪呀媽 搞到呀媽都有啲唔開心。
我真係好無助 可以為呀爸做啲乜可以減輕佢壓力？我由細到大都冇見過佢咁😢我每日見住呀爸呀媽咁樣 加上我本身都有學業問題 真係好大壓力 好唔開心😭😭
多謝大家睇到呢到 真係希望疫情快啲完 大家都要保持樂觀 身體健康🙏🏻