#NSS個人
[GUEST] 我今日希望大家一同出席呢個以文字舉行嘅「喪禮」……
呢位已離開嘅好朋友叫「自己」
「自己」佢由我出世開始已經同我一齊,佢成日被人話佢細擔/冇上進心/懶/煩/醜/肥/品德差……等等
但其實佢做人、出世已經好勇感,點解佢會變到咁?其實佢冇細擔過/冇懶過/冇煩過/冇醜過/冇肥過……佢變成咁,係因為話佢個啲人。佢為左迎合大家,迷失左,希望可以做到大家口中勇感/有上進心/勤力/靚/喜良嘅人,可惜弄巧反拙。
我細個嘅時候成日咩到諗「自己」先,所以比人話我自私,要諗下「人地」。由嗰時開始,我冷落左「自己」。佢同我講:「我好攰啦,比我休息下呀!」我冇理到佢;佢又同我講:「諗自己唔自私ga,諗人地冷落我先係最自私!」我又冇理佢。有一日,佢係夜晚帶左我去廁所塊鏡到,我見到「自己」係入面,佢喊住咁講話佢真係好攰,佢好想好想休息,佢對世人嘅善良已經用完啦!佢想我唔好冷落佢,當我知道佢咁諗之後,已經太遲啦。
我被「人地」嘅目光所束縛。佢地對我嘅期望,唔等於我嘅成就時,我就變到好自責,希望成為「人地」眼中嘅100分。我好對「自己」唔住我希望佢唔好因為我被束縛而難受。
當我發現「自己」嘅情況,佢已經唔係我身邊,係!我冇左「自己」。我並唔希望你地都係咁,請好好愛護仲係你身邊嘅「自己」,唔好冷落佢,亦唔好為左「人地」而放棄「自己」。得閒抱抱「自己」,唔好好似我咁當佢離開先後悔。我冇左「自己」但我相信佢未來一定會反嚟。
Sor for1999
多謝admin