#NSS其他
[2022dser] 致2022dser
各位2022dser，我知道你地好辛苦，我自己都係一個2022dser，因為疫情，高中根本就好似冇發生咁，連自己學咗咩都唔Q知，成場夢咁，考評局前前後後改時間表改到傻，彈出彈入咁，搞到好多人完全唔可以跟時間表溫書，仲有學校話就話study leave，結果日日補課，畀功課畀到cs，大佬啊，我leave L咗啲咩？
–
我身邊有好多同學都中招，情緒崩潰，我想同受感染嘅你講，而家好多人都已經中，我明白你係唔想中呢個病毒，事實唔發生都發生咗，預期喺度喊，不如嘗試下溫書，準時食藥，唔好旨意政府，你旨意政府蚊都瞓！我哋要自救！好好休息，點都會有好翻嘅1日
–
各位2022dser，呢條路唔容易，我好希望各位可以一齊面對，唔好出街以免感染，盡量每個星期都溫下主科中文，通識，因為好多嘢要背，你唔溫，就好快忘記，英文最緊要係生字，至於通識，你肯定避唔開全球化，現代中國同公共衛生，一定要溫，唔使擔心自己會U定點，你盡力就可以，一日未知成績都唔可以放棄自己！各位加油！我相信各位一定得，可以喺dse拎好成績