#NSS個人
[GUEST] 小妹今年f2，讀緊band1中學校。
自己好似成日都令其他人失望，又好似越努力，距離目標就越遠。
下年開始要揀科，咁好多同學都開始努力讀書，我f1嗰陣成績都唔差，有考過頭10，點知今年排名跌咗好多，阿媽係希望我f3揀M1或者M2，而我自己數學都唔係差，亦都冇話唔鍾意，於是打算向呢個方向努力。
起初阿媽買咗啲數學練習俾我做，咁我有keep住日日咗，但係我發現佢每日俾我做嘅份量越來越多（其實阿媽都冇迫我，但係我覺得如果佢想我做但係我冇做到好似對唔住佢），我每日都有學校功課，好辛苦先做完佢俾嘅份量，但係我好似越做得多，就錯得多，之後數學有份quiz我唔合格，明明我以前都做到㗎，點解而家又唔得，連簡單嘅題目都會做錯，佢見到我成績都唔係好開心，我開始唔知自己繼續喺度做嘅意義係咩，我只係希望自己可以滿足到阿媽想我做嘅事，如果我再努力啲，我阿媽係咪可以開心啲？
以前我同啲朋友都會一齊出去玩，或者我會教佢哋溫書做功課，但係而家我個排名低過佢哋，同我一齊嗰陣佢哋都冇以前咁開心，佢哋就當我係工人咁叫我做嘢，我都跟住做，覺得如果我再努力，係咪可以令佢哋開心啲？
我開始覺得身邊嘅人同我距離遠咗，為咗維持同身邊嘅人嘅關係，好似佢哋咩無理嘅要求我都會應承，將自己變成佢哋期望咁，開始唔識拒絕佢哋嘅要求，唔記得原本嘅自己係點樣，好似我已經感覺唔到自己想做咩，自己而家咩感受，我應該點做？
Sorry for 1999
多謝Admin