#NSS愛情
[我應不應該放棄呢段暗戀關係呢？ ] 大家好，小女今年F1，讀Band 1 中學，首先講左背景先，我暗戀果個男仔簡稱K， 我暗戀個男仔個緋聞女友簡稱A， 咁我就係我啦。 (唔好意思，講咗句廢話)
我暗戀咗K都有幾年，由小五開始就暗戀佢， 但可惜嘅係，我同K嘅成績有所落差，K係嗰啲運動好叻但成績麻麻嘅人；我係典型嘅淨係識讀書，運動唔叻嗰啲…咁樣我同K嘅差距已經夠大，仲要冇乜共同興趣，K鍾意打機；但我唔鍾意，見到佢打機嗰陣，我會周身唔自在，完全唔知佢做緊啲咩，覺得佢哋打嘅所有機都一樣。(對唔住，我可能又得罪咗人，especially for those who love playing video games，為此，我深感抱歉。)因為我完全係一個「打機白痴」。咁總而言之，即係我同K 簡單嚟講：冇可能啦！仲要佢而家讀緊嘅學校 係band2中間， 好似都唔係好溝通得到咁。再加上， 我同佢住嘅地方一個東一個西就算想拍拖都隔幾千里啦…
我仲喺度諗緊同唔同K表白好，身邊冇乜人知道我鍾意佢，得寥寥可數嘅人知。我之前細個又好似做咗啲令佢有少少討厭嘅嘢，就更加冇可能係一齊啦！ 跟住我本身都諗住，只要佢仲係單身，我都仲有機會嘅！ 結果出現咗個緋聞女友🙈就係A。 佢哋喺小學已經畀人話係男女朋友，仲要係ig互tag埋，身邊有幾個有男朋友嘅friend都話係男女朋友先會做呢樣嘢(原諒我還是一個戀愛白痴) ，但係佢哋就冇承認過關係。 我嘅bestie又話你仲有機…etc搞到我都唔知點好…
人生中第一次暗戀人，係咪就咁就已經完咗 ？？我仲應唔應該放棄？？佢哋冇明確咁表示個關係，但好似又人人都知佢哋係男女朋友 ，究竟應唔應該放棄呢？？
Thx admin 4 posting ig，
亦感謝各位睇到呢度。