#NSS愛情
[guest] 小弟今年f3 今日主要係想同大家分享我兩年前嘅經歷 我兩年前暑假嗰陣喺一個game嘅聊天頻道識到一個女仔 當時我同佢有講有笑 又會傾下心事 直到有一晚佢父母發現左我 而佢哋唔比佢識網友 所以要delete我 我當時理解呢個並唔係佢想嘅選擇 所以我冇怨言 主動delete左佢 由於我哋當時唯一嘅溝通渠道就係嗰個遊戲 所以我哋再冇機會聯絡對方 就喺嗰個晚上 我意識到我已經’愛上’左佢 我喺嗰晚十分悲傷 不停地喊 因為我自己選擇左去失去佢 嗰晚之後 佢個遊戲名深深烙印左喺我心入面 我不時都會去睇下佢嘅profile 了解下佢嘅近況 結果3個月後 佢改左名 我冇辦法透過搜尋玩家去搵到佢嘅account 冇辦法再去了解佢嘅近況 當時我心情好似跌落谷底咁 極度傷心
而佢嘅離開 成就左我依家嘅性格-極度自卑 完全無法信任他人 就算要講出呢段往事 我永遠都只會講一個編輯過嘅版本 真實發生喺我身上嘅事永遠只會得我知道
兩年已經過去 我仍然活躍於嗰個遊戲嘅聊天頻道 一直等待一個唔可能出現嘅人 縱使我透過聊天頻道識到好多好朋友 但佢哋永遠都冇可能令我從呢個苦海中解脫
以上係小弟一部分嘅親身經歷 我講咁多其實只係想說明一個道理-愛上左一個人 就快啲表白 唔好等到佢離開你先嚟後悔 被拒絕一定好過永遠將呢份遺憾藏在心中