#NSS家庭
[Guest ] 小妺中四，有個同住嘅阿婆。
事緣係我尋晚凌晨嘅時候嘈醒咗阿婆(可能係我播片播得太大聲)，之後佢就叫我返上去瞓覺(講明先嘈醒之後佢我有即刻道歉).大約過多一兩個鐘，我都仲未瞓覺，承佢貴言我返去上格床，睇睇下片個頭唔小心撞到床頭，好痛真係好痛，叫咗一下痛，因為佢差唔多起身嘅關係，所以對佢嚟講我個下叫唔係特別嘈。
我唔知佢係為咗將我一兩個鐘之前嘅事而一次過發洩落佢身上定係點，佢同我講覺得我撞親係我抵死，覺得我仆街好抵死。我覺得好唔合理(如果喺我嘈醒佢嗰陣時佢鬧我我反應一定唔會咁大)，亦都唔知點解佢無端端要咁鬧我，仲要叫埋我食屎。
我都開始為我自己而反擊，鬧咗佢幾句，鬧鬧吓我講得越嚟越大聲，嘈醒埋老竇老母，佢哋個個都偏幫我阿婆，我好鎮定咁解釋件事俾佢聽，因為我越唔鎮定，佢哋就越唔信我。又話我冇道理🙂，但我堅持一定要同阿婆傾好件事先俾佢落床，問佢東又答我西。
到今日，佢無端端同我講要搬走，果下真係好愕然。而家成家人都覺得件事係我錯，好似講到佢啱晒咁，就算我阿婆用粗口鬧左我幾句，我同我屋企人講，佢哋就攞我平時講粗口啲嘢出嚟鬧返我，根本大家都有問題大家都有錯，點解要我認錯先？
恐怖嘅地方嚟啦，原來屋企一直都有個cam監視住我，我老竇間唔中會睇吓個cam，所以先可以講返我平時講粗口嘅事出嚟，喺嗰一刻我都覺得點解喺自己個舒適圈做自己想做嘅嘢都會俾人監視。唔知道大家屋企人會唔會恐怖到裝個cam來監視自己？
Thx admin👧🏻🙏🏻