#NSS個人
[GUEST] 大家好，小妹係06，12月嘅時候同屋企人移民咗去外國。
是咁的，最近我覺得自己情緒開始有問題，唔知係因為壓力大、環境因素、冇朋友定係咩，夜晚嘅時候會經常性喊，甚至有陣時會掟嘢、傷害自己、或者攞張被琴住自己大嗌，我唔知我點解會咁做，純粹就係嗰一刻自己做咗嚟啲嘢出嚟，然後不斷喺到折磨自己咁，成日捱夜令到自己好攰。
我有一個大我3年嘅家姐，佢開始察覺到我有問題，問我係咪唔開心，點解成日自己一個閂埋門喺間房到，我同佢講話覺得自己情緒開始有問題，家姐就覺得我有啲抑鬱咁，佢話佢好想幫我，但係唔知可以點做。我唔敢同屋企人講，一嚟屋企人其實察覺到我嚟外國之前同嚟外國之後嘅分別，但係佢哋只係覺得我喺到發脾氣，二嚟我唔想增加佢哋嘅負擔。
喺度想問吓大家我應該點做，希望大家可以比啲意見我，多謝你睇到嚟度。