#NSS個人
[GUEST] 我發現自己喺友情定親情都係一個多餘人。由小五開始我已經開始被人bully直到而家，雖然上左中學其實都唔算嚴重，只係有唔鍾意我嘅「朋友」成日只係約其他frd出去，我唔知佢哋有冇諗住約我，但連story都冇hide到我，唔知我太sensitive定點，我覺得佢哋呢幾年入面都只係表面上鍾意同我玩，但實質只係為玩而玩，當然唔係得呢一件事先咁諗，呢種感覺真係好難受，完全唔知點樣面對。另外親情方面，我同我屋企人關係不嬲都一般，只係有時會好啲。我阿嫲一時鍾意我一時唔鍾意我，每次都話我講嘢嘅語氣有問題，like好似發脾氣，我知道自己有時一嬲就大聲左小小，我有嘗試去改變，但用好嘅語氣同佢講嗰陣又話我係咪有咩唔滿意，之後就開始冷暴力我。我阿媽一嬲我就話要扔我返去阿婆嗰邊，講左10幾年都係呢句，雖然已經開始習慣但我都好唔鍾意呢種感覺。我知自己可能有情緒病，但冇特登check過，呢排幾乎每隔幾日就喊，以前可能幾個月先喊1次，呢啲情緒真係好陌生，而家武肺又要成日留喺屋企，可能嗰啲「朋友」對我冇咩影響，但我阿嫲又成日對我冷暴力，我真係唔知可以點做。
我第一次投稿所以可能會1999🙇🏻♀️