#NSS愛情
[GUEST] 究竟係鍾意定係仰慕？
你由我中二個一年入咗我學校到做，做咗我班主任。起初我同你真係冇乜交集，唔知點解第一眼見到你踏入班房個下，個種感覺勁奇怪。但係我冇刻意去估自己諗啲乜，或者係乜感覺，我只係一直憑住自己感覺去認識你。直到學期尾，我竟然同你可以多咗好多交流同共同話題，完全係我意料之外，冇諗過可以同一個老師咁傾得。
直到中三，可惜你唔再係我班主任，但係都冇阻礙到我地keep住傾計，我哋由面對面傾變到係wts 傾，有時仲會夜晚傾電話。
2019年期間，你陪我行過呢段時間，我真係好多謝你。身為一個老師，你係呢段咁敏感嘅時間，你都繼續鼓勵我，個段時間我發生咗好多嘢，好多謝你嘅關心同陪伴。
2020年，我係讀書上遇到好大嘅挫折同壓力，再加上屋企嘅問題，你成為我唯一嘅傾訴對象，你再次比咗好多鼓裏我。我真係好感激你。
係我中五個年，你離開咗呢一間學校，起初我哋仲保持聯絡，有時都有傾電話講下大家近況。但係我覺得我打擾咗你好耐，我都冇得再以學生身份去做借口去揾我。更何況對你嚟話講可能我同你嘅關係只限於師生關係，連亦師亦友嘅關係都冇。你之前嘅關心同鼓勵，我覺得都係因為你係以老師身份安慰學生，所以最後我同你斷絕晒所有聯絡。
但係不得不承認，我由中二已經鍾意咗你。今年係第4年。我都要考DSE，我仲係好掛住你，好想你繼續比鼓勵我，我好想你係我開考前同我講句加油，可能你已經唔記得咗我，又或者冇咗我電話號碼。我好想同你講，我準備今次DSE準備得好攰，好想你同我打一打氣。唔知今次你會唔會再次鼓勵我呢？