#NSS個人
[Guest] hello, 小妹我係 #NSS220112B 嘅po主。
文筆差,敬請見諒
上次投稿之後見到好多人話sure佢係鍾意我
又叫我「去馬！！」
所以自從投稿完嗰段時間,我開始諗我係咪真係鍾意佢
ff佢同我表白之類嘅時候我會有咩反應😂
畢竟知道人哋對自己有意思,但又唔理,扮唔知繼續接受佢嘅好,又唔表示,好似幾賤格:‑X
但不果。
叮咚– 突然！有個message彈咗出嚟。
“最近點呀💩”
「what’s the matter呀?」
“我焗咗cheese cake, 你要唔要過嚟我度食”
點會唔去先得㗎
「而家出門口。」
至於疫情問題..對唔住已經畀我拋於腦外
「阿媽我出一出去—！好快返」衝出門口–🏃♀️
(放心我出入前都有酒精搓手,同埋我阿媽對此疫情如風土病,所以冇阻止我）
——————-
到咗佢屋企之後,
(由於佢父母返緊工所以唔喺屋企)
我坐咗喺梳化,佢斟咗一杯水畀我同埋佢自己
之後..我哋兩個冇講嘢,係咁不停飲水同斟水..
直至我醒起,「係喎,我唔係嚟食蛋糕嘅咩😂」
先打破咗片刻嘅沉默,
食食下蛋糕之後佢突然間講,
“我..有嘢想同你講”
「？」「洗耳恭聽」即刻飲啖水定定驚
之後突然間哄埋嚟我耳仔旁邊講“我鍾意你..”
震驚到即刻水都噴埋出嚟🤯
心跳漏咗半拍「咳..咳咳..嗯」我唔敢正面回答
“….”
我哋又再次沉默咗片刻,但係我嘅心跳開始微少咁加快。有啲唔好意思望住佢。
「…」我唔敢正面回答佢…驚因為一時嘅衝動畀佢一個唔好嘅回憶…
因為我原本係諗住拒絕。
與其話拒絕不如話係冇考慮過同佢一齊嘅事。
因為家庭因素,家人嘅反對係必言嘅
我驚畀唔到一個承諾佢。咁不如唔好開始..
「因為我唔確定我而家對你嘅感情係咪同你一樣,可唔可以畀我考慮清楚…？ 一日時間可以嗎。」
藉口。都係藉口,我只係冇勇氣面對佢嘅心意。
又冇勇氣去拒絕。我真係賤。
等陣大約三十秒左右佢答..
“..我哋咪約定畢業前出唔到pool就拍拖嘅？”
“我會喺你出到pool之前追你,到時就順其自然,你依然可以選擇拒絕同接受”
“我唔會逼你做你唔想做嘅嘢,但係我希望你唔鍾意我嘅時候,覺得我煩嘅時候,可以同我講”
“可以嗎..(´ . .̫ . `)”
喺呢幾句話入面我feel到佢嘅不安,少少嘅卑微
令我好自責,更加冇勇氣攬住佢。
本身好串好硬朗嘅佢喺我面前低頭,
甚至似乎有啲想喊。
令我個心好痛….我憑咩..要你咁鍾意我
明白到佢有幾咁在意我
明白到我有幾咁幸運,竟然畀你鍾意咗我。
明白到講呢幾隻字係需要幾大嘅勇氣幾大嘅決心
［但…對唔住我係一嚿垃圾］我喺心入面講。
———————————-
我好快咁跑咗出去佢屋企門口
似乎有啲草率,就咁走咗去真係好咩..
佢會唔會喊㗎…心情因為佢而有少少心煩意亂。
其實有一刻好想過去攬實佢,咀佢一啖…
我bonk自己個頭
頂發乜嘢春秋大夢…連答覆都冇仲學人發春夢。
我嘅理性呼喚我快啲離開。
—————————
我返到屋企之後,嗰日返到去完全瞓唔着
「…我不如去食屎食siu4佢唔好留喺度獻世」
喺床上面loo嚟loo去諗點覆
頭先嗰幾下嘅心動又算係咩,我係鍾意定點 …
得我一個答到嘅答案。
立即上google查鍾意一個人會點
嘗試自問自答。
「每容易畀佢嘅一舉一動左右到心情」usually
「見到佢就會好開心」 …想像唔到冇佢會點
「想有親密接觸」想咀佢算唔算?
「覺得佢好似一隻可愛嘅動物」 似貓一樣可愛..
「……」
…可愛？？ what？ 我覺得佢可愛？？？
我喺心入面築起嘅城牆漸漸支解破裂。
我似乎…一早就鍾意咗佢。
一諗起佢我就會不自覺咁笑。
そっか・・・
家庭因素? 算得係啲咩
不如試一次啦。
反正我唔諗住成世有遺憾,
而家我衝動到想…聽日就出櫃😂
—
我冇遺憾,我而家開心到好似發緊夢咁💫
多謝你花時間睇到嚟呢度🙏🏻
sorry for 1999
admin po IG pls