#NSS個人
[觀塘某中學] 唔知大家試過極度妒忌一個人。係，我知道，嫉妒係一種負面情緒，我都係唔係諗住合理化我嘅心態。但係我比呢種情緒困擾左好耐，我都好討厭自己妒忌人。
我好妒忌一個人，簡稱A，佢做咩都好過我，我並唔認為自身資質平庸，甚至可以話係聰穎。我同A相處過，我知道A真係蠢蠢地。但係佢不斷努力贏左我，我好妒忌，唔知幾時開始呢種嫉妒衍生成憎惡。佢做咩我都覺得好討厭，我好清楚我呢種諗法係錯嘅，可能你地會話：你咪承認人地好過你囉！
我點會唔知佢好過我呢。
所以我好討厭自己，討厭自己只係因為人地優秀而憎恨佢嘅行為，討厭自己咁唔中用。
我有冇努力過？
點會冇，但係已經追唔上佢。
呢種情緒真係好痛苦，我投稿係因為希望有人可以比啲建議我去脫離呢種感覺。
屌我嘅話就不必了，因為我唔係唔知自己錯咩，所以我唔需要人地黎屌醒我。
比啲建議可以令我唔會再嫉妒佢。