#NSS個人
[GUEST] Hello唔知大家仲記唔記得我呢，我係 #NSS210126K 嘅樓主，講返我依家嘅情況先，我依家係153cm，雖然我覺得唔係高得特別快，亦都唔係特別高，但係我仍然覺得好開心，因為我已經接納到生得矮嘅自己。
我今日投稿就係希望同大家講，唔好咁在意其他人嘅意見呀！我明白㗎，聽到人哋因為身高體型而嘲笑你，望住同齡嘅人或者明星有着自己最羨慕嘅身型，難免會覺得自卑…但係希望咁多位可以欣賞同埋愛錫自己，無論高矮肥瘦，你依然係獨一無二又閃閃燦爛嘅你呀！呢幾年嚟我曾經因為身高而好自卑，甚至會喺夜晚偷偷地喊過，但係後來我慢慢學識接納自己，發掘到自己嘅優點，亦都接受咗生得矮呢個事實，明白到愛自己真係一個好重要嘅人生課題。
另外，為免有人想知，喺度講一講返我為咗增高做咗啲咩：
首先就係每晚臨瞓前拉筋，具體方法都係上網搵，呢度就係唔詳細講啦。
第二就係我每日朝早都會食早餐同飲豆漿。
最後就唔使我多講啦，都係早睡早起，每日都行吓至少半個鐘，做吓運動。
再次多謝大家當初嘅寶貴意見，同埋sorry for 1999
突然凌晨有感而發haha