#NSS學校
[Guest] 大家好 小弟今年form 3 今日想同大家分享一件我自己會形容為「補習社濫權」嘅事件…..
話說幾個月前（補習社未畀政府下令關閉之前）我去咗一間喺港島區嘅補習社 結果就發生以下嘅事件….
1. 小弟嗰日係著涼鞋去（某C字頭品牌嗰間嘅大頭涼鞋) 結果一入到去 reception嘅職員就話我唔可以著涼鞋 跟住叫我一係返屋企換返對波鞋 一係就用十蚊同補習社買對白襪😥😥 佢聲稱原因係出於對補習社嘅尊重…..但….
間補習社根本冇講過…
無論係學生須知定補習社網頁定係啲職員口頭上都冇講過….而且由於間補習社通常都係住喺附近嘅人去補習 所以不時都有人會著涼鞋去補習 其實根本著咩鞋好少問題 我只係去補習一小時 又唔係去返學或出席啲咩重要場合 純粹因為間補習社喺屋企附近 貪方便著涼鞋 咁都唔得？？！！ 仲要叫我用十蚊同補習社買對白襪？？
2. 上堂期間我部手機突然震（我較咗震機mode） 咁我就拎出嚟望咗一眼 點知個補習老師就衝過嚟要沒收我部手機 仲話要打比我父母話我上堂掛住玩手機 搞到我返到屋企之後畀阿媽鬧咗一餐 我點解釋阿媽都唔信
仲話我死不悔改 諸多藉口 要叫我阿爸教訓吓我 結果我就畀阿爸打咗一餐（阿爸勁嬲😡打得好重手 雖然都係徒手 不過畀佢打完之後幾日都仲係隱隱作痛😥）之後我阿爸就打返畀補習社 話要拎返我部手機 補習社竟然話要一個星期之後先可以拎返 然後仲要我阿爸喺補習社嘅網頁填份表格預約時間 個職員話呢個係規矩同埋對學生嘅一個懲罰（我明明冇犯錯 畀你搞到畀阿媽鬧 畀阿爸打 而家仲話要沒收我部手機一個星期？！）同埋部手機又唔係你嘅財產 你憑咩將佢保管一個星期？ 就算學生真係有玩手機 補習社都最多只可以即堂keep住部手機 冇理由要keep一個星期 仲要家長填埋哂所謂嘅申請表格😡 喺度搞程序！！
3. 我嗰日帶咗一個黑色嘅口罩（其實我真係唔係特登帶黑色 純粹喺屋企求其拎 冇特別意思）個職員即刻話我企圖散播政治訊息+擾亂補習社跌序 要求我換一個唔係黑色嘅口罩 我話我冇第二個口罩 佢就即刻要求我用5蚊 買一個有補習社logo嘅口罩 我堅持唔買 佢就話由於補習社保留最終決定權 所以佢會禁止我上堂 佢咁講 我仲可以唔買咩？！
本文重點： 補習社點解會有權管學生著咩鞋？
補習社點解會有權沒收學生部手機一個星期？
補習社點解有權禁止學生用黑色口罩 再逼學生一定要用五蚊買一個有補習社 logo 嘅口罩 ?
希望大家可以留言講吓對呢件事嘅睇法同埋教下小弟同埋其他人如果不幸（再）遇到呢啲情況應該點處理？ 最後請大家記得 Like 呢個post！
Thx admin!!!!!!!