#NSS學校
[[某間唔知幾多年前係Band1(現Band2尾)嘅沒落名校]] 最近遇咗啲有啲煩惱嘅嘢，所以上嚟問下大家點樣解決感覺會比較好。
我有個朋友，暫時叫住佢做M先，今年佢中三，中一嗰陣佢畀人Bully，帶頭嗰個叫佢做D啦。
M佢係一個可以話係好呆嘅女仔，中一嗰陣不諧世事，不知世間險惡，好天然呆嗰種女仔。
因為佢幼稚園同小學都冇俾人或者見過Bully呢家野，我聽佢嗰陣時都嚇死咗，呢個世界真係有d咁嘅地方嘅咩？
D呢，我對佢唔清楚，但係我見到佢做嘅野，我都覺得真係好恐怖，周不時就打人，你話佢可能玩玩下？錯喇，佢一拳打人唔係玩嘅！
佢仲會恃住自己生得嬌小，有d可愛，喺度扮可憐⚆_⚆
M系係一個開學前嘅類似預備班嘅野度識到D，嗰時我仲記得M佢好開心同我講佢識到第一個係中學嘅朋友。
誰知變故產生。
D開始佢有針對性噉對待M，M就以為佢玩玩下，慈愛氾濫噉體諒咗D，所以當初唔係好在意，直到後來返學嗰陣越嚟越過分，M先知道自己舐咗嘢。
教命啊我真係覺得M呢條友冇我睇住唔掂😢
最癡線嘅係D竟然有事當M大爺，冇事當佢契弟。
中一個暑假就嚟完嗰陣時條友竟然厚臉皮到上一秒先舉中指+鬧完M下一秒就whatsapp M叫M畀暑期功課答案佢。
我dllm你老味仲好意思咁樣問佢？
如果嗰陣唔係我撳住M，叫M唔好send，我都唔知之後會點！ಥ_ಥ
返學嗰陣仲弊，D個仆街夾埋幾乎全班有多bully 啊M，啊M佢明明乜都冇做(M呢條友嗰陣連粗口都唔會講)，後來先知道，D噉樣做嘅目的祇不過係因為M當初喺預備班讀向D搭訕(M佢想識朋友，但佢完全冇諗到人哋回饋畀佢嘅係惡意)
我dllm，呢個唔係D一拳(正確嚟講係兩拳，有一拳M避開咗)打落M個肚度，喺走廊打交嗰陣用M做擋箭牌嘅理由。
亦都唔係你用手段摧毁M初中生涯嘅理由。
不過之後因為成績問題，f.2嗰陣D去咗普通班，點知條友無消停過，我同M嘅另一個朋友——Y做咗唔知第幾個受害者。
點解噉講呢？原來D傷害過嘅唔止M一個。
某程度上用曬26個英文字母再加埋希臘字母都唔知數唔數得曬。
呢啲都唔係重點。
重點係我仲記得嗰陣，M開始變成一個好陌生嘅樣。
M本來好容易喊，唔喊嘅時候總會掛住好亮眼嘅笑容，因為條友根本樂觀到黐線。
自從M被D荼毒、傷害之後，M平時嘅笑容消失咗。
更加恐怖嘅係，佢開始研究一啲……如何自取滅亡得比較輕鬆快樂嘅方法。
我真心體會到有理智嘅瘋子係幾恐怖，亦都係第一次見到佢負面情緒失控到唔冷靜嘅樣。
第一次聽到唔想返學呢句野竟然會喺佢把口度講出嚟，M小學嗰陣發住燒係喊住咁樣話要返學。
第一次聽到佢喊到唞唔到氣咁講：「我想死，既然佢哋唔想我存在，敢我就唔存在會比較好，咁樣對大家都比較好。」
我有問佢，點解唔係想D死。
M畀出嘅回答係：「無論我用何種手段傷害佢，最後會背負上罪惡嘅都係我自己，我唔希望因為佢而沾污自己對手」
我聽到呢個就唔理解喇，既然佢仲有理智可以諗到呢度嘅野，點解唔諗落去？按道理嚟講，佢應該知道佢而家嘅行為係逃避。
比較慶幸嘅係，佢冇做出傷害自己嘅行為，但就好似變咗個人噉，行事方式同埋思想方向、思考等等都變得好負面。
唔知會唔會講得太多，突然間要翻嘅重點係前排(大約係實體課嗰段時間)，Y向老師舉報咗一啲關於M被D傷害嘅野，後來過咗段時間先得知D被記咗三個缺點。
f.2尾嘅時候M已經開始有少少走出去，起碼佢終於停止咗佢分析點樣死先最好。
咁一定有人去就話啦，你哋點解唔搵社工？
噉由於D同社工好～好朋友，所以M佢知道呢件事之後就完全冇咗去搵社工解決問題嘅打算，因為佢深深知道社工一定係會偏袒D嗰邊，一定唔會幫佢(M)。
噉都知咗呢個消息(D被記3個缺點)嘅M心情或多或少有d複雜，佢慶幸條友有報應，但又驚受到報復，同時幾個都係被D打過嘅人都知道咗呢個消息。
佢哋認為三個缺點簡直係便宜咗D嘅所作所為，因為淨係記三個缺點係因為Y同老師講嘅比較少，得嗰兩隻手數得曬嘅自己數量。
但有樣野我好唔理解，點解M佢地要繼續揹負住呢啲陰影同傷害，痛苦噉樣活下去。
但係D又可以喺記完三個缺點之後繼續開開心心咁快活過日子。
佢憑乜嘢可以噉樣？就憑佢傷害過好多人？？？
PS1：D成日都喺ig post埋啲MK野(e.g.雪餅面、超短褲下體、明明冇波又要著背心影飛機場相、卡點、話要同人哋發生性行為、etc)
PS2：M、Y、D全部都係女仔，但D有叫好多男仔bully M，導致M之後好一段時間見到男仔就驚，成個人震曬同唔敢講野。後來情況好轉少少嘅時候，佢都係儘量避免同男性接觸，連喺座位前後左右坐咗男仔都接受唔到。
Sorry for或多或少都有啲唔冷靜。
Sorry for 1999🙏
多謝你睇到呢度，我希望可以搵到幫到M走出陰影嘅方法，同埋得到我疑惑嘅解答。
Thanks for your reading.🙏