#NSS個人
[Guest] 大家好，我想問如果仔女18歲之後，父母喺法律上係唔係可以唔使撫養仔女？（打得好1999，希望大家唔好介意，因為我真係好驚)
係咁嘅，我不嬲同我老豆關係好差，佢成日遇到啲唔如意嘅事就會發洩喺我同我媽度，所以我媽喺我小學嘅時候就搬走咗，我已經冇晒佢啲聯絡。
之後我老豆次次發我脾氣我都冇理佢，但最近一次，佢話到我18歲嗰陣，就唔會再養我，叫我一係搬走，一係俾返食宿費佢。憑我認識佢多年嘅為人，佢唔似係講笑。
我冇其他親戚，或者係熟到可以收留我嘅friend。咁我到咗18歲嘅時候就要自己住，但我又冇錢，咁點樣搬出嚟住？我而家又未到16歲冇得返part time，加上我16歲返part time 都唔知搵唔搵得夠錢，定我唔讀書，出嚟打工算？
有冇人同我有差唔多嘅經歷？我可以點做？🙏