#NSS個人
[GUEST] 呢個朋友真係好6uo
小妹今年f1, 算係讀緊band1a嘅名校, 咁就有個好on9嘅小學同學
話說呢, 我前幾日就跟風整咗嗰啲自己嘅達人挑戰, 之後post上自己story, 咁啲人自然就都會好似我咁一齊整, 但係有個朋友就抄考我個Google form 啲問題。咁都係嘅, 問題就係得咁多, 但係都無理由咁啱mc啲選擇都係一樣。例如我問養過咩寵物, 佢啲答案都係同我一樣’貓’ ‘狗’ ‘魚’ ‘龜’ ‘冇養過’, 其實點解唔可以改少少好似倉鼠, 雀仔? 嗰啲都算啦, 我個Google form 最後個level 得一條問題, 就係選偶條件, 佢又係抄。
其實我覺得因為呢件事而唔鍾意佢好似有啲無聊, 但係真係覺得佢好煩囉！
唉橫掂喺度都可以發洩下情緒, 講埋佢其他啲嘢啦～
之前佢想抄我啲衣著, 我真係唔明, 我著啲衫明明又唔係特別好睇, 佢嘅身型又係肥肥哋, 著得又唔好睇, siu4 lor。
仲有, 之前去返小學探老師嘅時候佢就同我講 ‘明明A(同我同一間中學嘅朋友)個排名高過我, 真係唔明點解佢要入到一間差過我嗰間嘅學校。’ 我嗰時勁嬲, 我小學嗰陣個排名明明高過佢哋兩個, 有冇理過我嘅感受?? 同埋我哋兩間學校嘅校長喺升中講座都有講過我哋兩間學校都係好好嘅(佢個間嘅校長個囡讀緊我哋間學校)。最後我想講嘅係, 我哋個個最後都係一樣考dse, 一樣考同一份卷, 其實最後自己考到嘅成績同大學都係九成靠自己嘅努力, 第時出社會搵工嗰張成績表都代表唔到啲乜…(依家寫到好似呢段先係重點ha)
小妹今次第一次投稿, 唔該要屌嘅屌得細力啲🥲