#NSS愛情
[GUEST] 急！！求求各位巴打絲打幫小妹諗吓有咩計仔可以令到鍾意我嘅男神同我表白。佢好想同我表白，但表唔到。
小妹f3，自問自己樣靚身材正，係普遍男仔鍾意嗰type嚟。有一個暗戀咗好耐好耐好耐嘅師兄，暗戀咗2個禮拜咁啦，佢完全係小妹鍾意嗰type！！！然後上個禮拜，小妹終於成功fol到！佢一定係鍾意咗我啦！
自此之後，每逢佢一po story，我都會reply。就算係repost memes，我都會reply「哈哈哈哈哈哈哈哈哈哈哈哈哈哈哈哈哈哈哈哈哈哈」「好好笑呀哈哈哈哈哈哈哈哈哈哈哈哈哈哈哈哈哈」「哇你真係好搞笑哈哈哈哈哈哈哈哈哈哈哈哈哈哈哈哈哈」。頭幾日佢都有like我msg嘅，不過可能之後佢有啲忙啦，所以之後就冇再睇我嘅msg了。
佢之前日日都會po十幾二十個story的，但係唔知點解前幾日開始睇唔到佢啲story。唔緊要！可能係因為學業繁忙，所以冇po story！
咁見佢好似冇點喺ig活動，因為擔心佢功課壓力太大，所以我之後日日我都會dm佢「你點啊啊啊啊啊啊啊啊啊啊啊啊啊啊」「你唔好唔開心啦啦啦啦啦啦啦啦啦啦啦啦」「你做咩呀呀呀呀呀呀呀呀呀呀呀呀」。初頭佢會reply我問號，之後都冇覆了。
我知！佢一定係唔想我擔心，所以都扮冇嘢，同埋對我咁冷淡，嗰啲咩電視愛情劇都係咁嘅！其實佢唔使咁著緊我嘅感受㗎，唔使扮晒冷漠㗎，我都明白㗎！因為佢好愛我！！！
不過呢，唔知點解琴日我search佢個ig直頭係「user not found」，睇嚟佢一定係因為功課太多所以冇用ig了。唔緊要，我等佢！佢考完試一定會同我表白！！！
但今日我同frd講開，佢哋話佢個acc都仲喺到，而且日日都po story喎，睇嚟我ig bug咗。
所以想請各位巴打絲打教我點樣整返好呢個bug，咁樣bug咗佢咪搵唔到我表白囉！我都係啱啱down ig冇耐，唔係好識用，呢個bug係咪成日都有㗎㗎㗎㗎㗎㗎㗎㗎㗎㗎㗎？