#NSS家庭
[GUEST] 唔知大家平日屋企人洗唔洗返工呢?我想講我真係好羡慕啲人係呀媽湊大🫠由細到大我都係我工人姐姐湊大我 呀爸呀媽1餐飯都冇煮過比我食(公仔麵除外)呢啲不在話下😀小學嘅時候每日7點幾出門口佢哋一個就已經出咗去 一個就仲未起身🤷🏻♀️放咗學即刻去補習 但我超唔鍾意嗰間補習社🫠因為啲老師成日都特登擺我啲功課到最後先check 全因我間學校得我一個喺嗰度補🙃佢哋覺得好煩，一次過check曬某間有好多人喺嗰度補習嘅學生先再check我嗰啲 所以無論我做功課做得幾快 最後都會搞到6點幾7點先返到屋企😮💨我屋企習慣早食飯 所以喺我沖涼期間 佢哋已經食完飯🤷🏻♀️佢哋唔會等埋我先食飯 除非呀爸遲返 就會順便等埋我 佢哋成日都覺得大人搵錢辛苦過小朋友讀書 我亦都唔敢講其實我喺嗰度補習補得好唔開心，但又因為見到佢哋真係坐喺度睇電視都瞓得着🙁
每日真正見嘅時間都淨係得3個鐘(2000-2300)跟住我就要瞓覺 基本上每日真係見同學老師多過見佢哋 我都好想可以同佢哋傾多啲偈 但無奈佢兩個一坐低就淨係會玩電話📱同埋同對方傾偈 我又完全插唔到咀🥲同哋出街好少會淨係得我哋一家三口😮💨因為一係就同我啲frd出去 一係就同姨媽成家一齊出去 次次出親去都係冇乜機會同佢哋傾偈 因為佢哋一定會淨係掛住同其他人講嘢 基本上以前一個月淨係得1-2日真係有得同佢地傾到偈🤷🏻♀️
而家疫情就好返啲因為呀媽一個禮拜最少會請一日假陪我出去😌關係都逐漸好咗😌而呀爸就要繼續返工🥲
所以各位家長唔好成日話點解啲仔女唔理你 你又有冇諗過你點樣對啲仔女🙁
補習社嗰件事對我影響都幾大 之後唔敢再補其他補習社 開始靠自己🙁
Sor for1999🙇🏻♀️