#NSS愛情
[GUEST] 鐘意一個以前鐘意我但係依家唔鐘意我嘅一個人。(長文慎入)
小妹今年中四，喺中三下學期嘅時候俾一個都幾friend同埋都幾有好感嘅人表白，其實佢嗰陣send msg俾我話鐘意我嗰陣我好想接受佢，但係我唔敢，因為我驚一段感情唔長久，同埋唔知佢係咪認真。(事先聲明我喺被表白之前冇拍過拖)
經過嗰日佢表白完之後，其實佢之後嘅日子都有日日同我傾電話，又會同我分享佢今日做咗乜、又會問我做緊乜等等。嗰段日子我日日都好開心，因為佢會喺我唔係好開心嘅時候陪我。
咁就有一次就有一個同班但係唔熟嘅男同學佢問我功課，但係我真係同佢唔熟，我係當佢係一普通朋友，就有一次，同我表白嗰個男仔(簡稱A)就唔得閒，咁我太無聊就去咗搵問我功課嘅人(簡稱B)，嗰日咁啱情緒好崩潰，就同B講咗啲嘢，其實B問完功課之後嗰陣我哋有時都會傾閒計，而且佢守秘密都幾好，所以先同B講。
經過嗰次之後，A就有一日去搵B出去，之後A返到屋企就搵我，佢話原來你同B講過咁多秘密，跟住佢又話其實佢都幾好，如果你鐘意嘅，我就放手啦。我嗰陣其實想同佢講，我只係當佢係好普通嘅朋友，但係佢冇聽我解釋，跟住佢就無再搵過我。其實佢冇搵我嗰段時間，我好想同佢講其實我一直鐘意嘅都係你，而唔係其他人，但係我都係唔咁講。
之後就有一個我完全冇好感嘅人同我表白叫我接受佢，但係我嗰陣以為係接受佢份人，同佢做朋友，但係我唔知嗰日我咩事，get錯咗佢話接受佢嘅意思。第二日我諗返好似有啲問題喎，所以就即刻同佢講返。
呢件事之後A話做咩拒絕佢，唔係接受咗佢架咩？我都好無奈，所以就冇理佢。
正到幾星期前，但又再搵返我，仲同我傾咗一陣，其實我好開心，但係佢俾我一種感覺就係佢好似已經冇當初心動嗰種感覺，仲好似有鐘意嘅人咁。
但係，我都仲係好想同佢返去以前，如果畀多一次機會我嘅話，我唔會同其他男同學分享自己嘅嘢，更加唔會以為人哋守秘密守得好好就同佢講秘密，我會只係當佢哋普通朋友，因為我淨係鍾意你一個。
Sor for 1999
thx admin