#NSS個人
[GUEST] 標題：情緒問題可以點做
表達得唔好請見諒
講一講背景，這邊上年轉咗校(有問題係由嗰段時間開始)，同學老師都好好人，屋企人都對我好好，除咗有時會令我無言之外。生活一切安好。
當時一開始番新學校，我係單純緊張，發生咗既尷尬事我都覺得唔點様尷尬。甚至覺得自己無任何壓力。
之後幾星期後，我突然情緒開始失控。我嗰陣就當咗係壓力突然自己爆咗出嚟。
後來我越發越唔想番學，經常唔知點解喺番學既路上胃/頭痛。同埋喺學校嗰陣因為無聊而喺到諗 可唔可以制做意外俾自己入院/發場大病/消失失蹤等(來導致唔使番學)。甚至想死…
有時有presentation 就更加想死
加上 上堂我聽唔明，又跟唔上，成個人好廢。有時喺到自己cry/鬧自己做咩唔自律，之後cry完又繼續廢。
有時我到比較高既樓層上堂，等緊入課室既時候，係企近欄邊，咁我多數會望落去。之後就會有個想法就係跳落去，由其喺下雨天。但我又諗諗咁做會影響學校，同唔舍得屋企d嘢，就冇咁做。
或者我會上網search 點死先唔會影響到其他人/唔痛。(並有好多次行行下/坐喺海邊嗰陣幻想如果跳海會點)
但因為後來有位之前學校既朋友fol咗我細賬，見到我咁就喺到開解我之類啦，我嗰排就冇話想死。佢叫我應該去睇醫生，懷疑我有抑鬱之類，但我冇去揾醫生，我雖然自測過幾份不專業問卷都話我嚴重抑鬱。但我喺網上見到d真抑鬱既人同我唔同，我冇自殘，我最多打自己幾巴。
雖然後來冇話要死，但依然超拒絕番學，甚至有2次我喺我媽面前cry咗出嚟話唔想番，第二日佢就幫我請咗個假，本來我以為休息下就冇嘢啦，點知越嚟越嚴重。
我既胃口都越嚟越冇，唔食breakfast 唔食lunch，淨係食小小dinner… 連之前不停食既零食都唔想食。
同埋我經常唔知點解明明之前俾人話俩句我冇嘢，但最近容易cry咗。或者有時聽到d歌都會cry。(甚至會唔知點解咁突然cry)
到前排網課開始
先食番breakfast，lunch 就一時時，dinner 都係食好小。
網課都令我開始放棄聽書，唔聽唔温。有諗過趁上網課會方便d，可以自律温書，但做完半日就🤷🏿♀️。
同埋開始對之前有興趣/想買既嘢變得無欲無求，連玩game都覺得好無聊。
依家暑假啦，正常應該放鬆，但一諗到放假後要實體就好唔舒服(難以形容)，好想逃避，。(甚至只係見到一張之前上完實體放學影既一張相都唔舒服)
其實仲有好多細節都冇點講，都諗咗好耐要唔要投稿求助，所以想問下我可以點做…(補充一下本人中學)
同埋應該唔會真係有咩病呱？
感謝adminsss，感謝各位
希望各位可以俾意見我🙇🏻♀️