#NSS個人
[guest] 唔知大家有冇聽過網上賺錢之類嘅嘢🤦🏻♀️
覺得自己唔會接觸嘅，冇興趣嘅飛過呢篇文就得。有諗過做嘅就用幾分鐘睇完再考慮。
我諗而家至少500個小學至中學嘅人做緊呢啲工作，大概有陪玩+陪聊+利市團+打字團，呢啲係最常見。
我就好on9嘅，撞咗好多次板🤦🏻♀️🤦🏻♀️🤦🏻♀️呢啲團全部都要會費，我亦曾經唔明點解我賺錢要先俾錢個老細，打字+利市團我尚能理解佢點解要收錢，但陪玩陪聊就真係唔明。
佢地會話
：網上賺錢同現實賺錢唔同架嘛😂😂
：唔明背後運作就唔好講
呢啲大概係會費$12-90（我入過嘅幾個，幾百蚊嘅未入過）假設會費$20嘅，一個禮拜最多賺$5，即係我要至少一個月加上我好多嘅時間去做單，先回到本🤦🏻♀️我唔明點解咁多得閒嘅on9去做（高form嘅都大把
真係想賺錢，不如去麥麥做or讀書。為咗幾蚊用咁多時間，想要十蚊不如問老豆老母攞零用錢，好過你嘥幾粒鐘賺。🤦🏻♀️🤦🏻♀️
.
代充都係啦，IG大把
佢地話月入1萬，免會費，幾分鐘一單。咁撚好賺佢唔自己做？唔通三唔識七派錢俾你？
我就曾經試過（我iphone），想同大家講我用1.5hr先做完一單，因為過程中你要不停等人message，等佢send卡號俾你，再綁定入你個apple id。我做撚完第一單，個apple id就永久封撚咗。。。唔好信咩佢會幫你解封，全部都係黑充黎，佢地係等你充完錢再叫客人退款，啲錢就會退返入卡，背後嘅人就一次過賺$5000幾，但所有風險就個代充負責，但最大風險嘅代充只係賺$65。
.
後果呢
就係我要用2-3個鐘頭打電話俾apple解封，解完一次封第二次，解完第二次封第三次。中間我已經唔夠膽再做，但匪夷所思繼續封鎖apple id。
為咗呢$65，我apple music + Minecraft（仲有超級多付費apps）全部都要重新買一次，為咗呢$65我損失咗$400以上
.
完啦
就係想講吓網上賺錢代價有幾大+幾咁唔值得
最好嘅投資係讀書，呢句嘢真係冇錯🤦🏻♀️
你想靠手機賺錢嘅話，安全途徑一個鐘頭得十蚊，不如專心讀書等大個咗先賺，急用錢問老豆老母好過。
唔好話得on9先信呢啲🤦🏻♀️🤦🏻♀️我見到呢啲團好多06-09入，可能你係聰明嘅，但好多人都唔係。
sor for 1999