#NSS個人
[no school] 純粹想呻下，長文慎入🙏🏻
小妺今年12、中一讀女校，啱啱移民咗去英國
是咁的 我自己係一個唔點講嘢、慢熱嘅人，由細到大朋友都係得3、4個，細個啲friend都係同班先一齊玩，下年唔同班就唔再聯絡. 因為細個思想單純啦，唔覺得朋友有幾重要，冇咗咪咗識過，識唔到咪同家姐玩，有阿爸阿媽咪得囉
直到小六知道自己要移民，開頭仲超興奮因為外國返學冇咁辛苦，去到中一識咗人生第一次可以好friend嘅朋友，就開始有少少唔捨得，我係人哋唔撩我我都唔敢講嘢，所以我驚去咗外國識唔到朋友⋯
可能係因為中學讀女校嘅關係啦，我哋玩得勁癲勁開心，我都唔知原來朋友可以咁坦誠相對，喺佢哋面前係我可以show我最真嘅一面出嚟、可以咁放肆，雖然嗰陣時已經唔想移民，但係只係自己呃自己仲有幾個月有牌啦. 走之前嗰一個月我日日喺度諗，我上到中學個人開心咗、玩得放咗，仲有幾個星期就要離開一班玩得咁熟咁frd人，就日日喺度喊，亦都係我第一次feel到你做咩、點喊都幫唔到件事．．．
我日日都喊，之後我個人變得越嚟越negative，返學癲，返屋企喊，咁樣過咗幾個星期，我走之前個幾日先至同啲friend呻..
我移民之後就冇由心笑出嚟，我喺呢度冇朋友，淨係得一個家姐係幾二個城市讀緊大學，我阿媽好似跌咗個腦，佢講咗好多hurt我同自尊心嘅嘢，日日喺度9up (太多唔想諗返起)
日日喊幾次，返學小息發呆諗人生 跟住去廁所喊. 除咗食飯沖涼返學出街，我都會困自己喺間房度，我喺我自己間房先至有安全感，平時同friend call我可以做返最真嘅自己，移民之前我嘅思想仲好單純，唔會亂諗嘢，人生道理都未識咁多，我幾個星期突然之間要吸收咁多道理 諗咁多嘢好辛苦，以前冇乜點理人哋點樣評價我，而家我日日聽我阿爸阿媽喺度話我，返學啲同學喺度講是非，我淨係係一邊默默咁樣聽.
喊嘅時候真係好想好想有一個人喺我隔離陪住我、攬住我、氹我、俾個膊頭我挨住喊，我真係好唔鍾意一個人冇人明嘅感受，我唔知我可以做咩去改變而家
sor for 1999🙏🏻