#NSS學校
[guest] 見呢排咁多人分享自己同戀童阿sir嘅經歷，咁我都講出來啦（點解呢排咁多戀童阿sir😵💫）
抱抱咁多位戀童阿sir嘅受害者🫂
事先為我嘅語無倫次+1999+up廢話道歉
同埋多謝admin🙏🏻
勿認人please and thank you
*長文慎入*
–
話說我地今年學校music科來左個新嘅阿sir，睇落幾樣衰，而且都咁上下年紀（考會考嘅，都唔會後生得去邊）
佢係呢排先好似對我有啲戀童，喺學校嗰陣冇特別。淨係有一次我喺學校間音樂房練琴嗰陣佢都喺度，跟住就未經我同意偷拍我練琴嘅相，po左上ig story（諗諗下其實呢個可能係啲比較早期嘅戀童跡象）
我地有互fol ig，有時候佢會未經我同意然後repost我啲story。平時佢會react我啲story，一開始我只係like，但係之後佢每次react我地都會開始一段好長嘅對話，一齊傾嘅topic有好多，通常係啲有少少私人嘅topic
咁我其實都係嗰種想同老師打好關係嘅人，咁咪同佢傾囉，但係呢排佢好似越來越恐怖，例如佢半夜見我仲online會無啦啦dm問我「做咩咁夜都未訓啊」。
呢個都唔算過分，我都係隨便hea覆。但係我某一日問完佢功課之後，佢隔左好耐（成個鐘）之後突然send左個 good night (半夜0059)
我去到第二朝先見到佢個good night,咁冇理由已讀不回架，我亦都唔鍾意已讀不回人，所以咪send good morning比佢囉，點不知佢竟然秒回，問我how are you? 我唔知點做，因為我當時已經知道佢有啲野，如果我覆佢嘅話我地就會展開一段超長+唔知傾乜比較私人topic嘅對話，
咁我就問啲frd應該點做，佢地全部叫我已讀不回，如果佢問我點解唔覆，就話好忙唔記得左。咁我就照做，好彩最後佢都冇問我點解已讀不回😮💨
–
第二次就係我問佢點做某份功課，佢之後就無啦啦叫我“sleep early la”，我心入面只係有一百個問號❓呢啲關心正唔正常？
–
仲有第三次。話說我地有份功課就係要演奏某首歌比佢聽（唔講邊首歌，廢事比人認出），我一開頭同佢講我會彈琴，但係到最後都係決定唱歌。
佢派返份功課之後我發現我竟然攞滿分，又驚又喜（我自問唱歌唔差，但冇諗過會滿分）跟住佢private comments嗰度同我講“You sang well! Please show your face next time”
大家可忽略comment嘅前半部分，重點在於後半部分嘅”please show your face next time”。我有問過其他同學，佢地就算冇露臉，阿sir都冇叫佢地下次露臉。咁點解其他人唔使露臉唯獨係我要🤨
跟住佢無啦啦用ig個錄音錄低左我唱歌嘅聲，然後突然send左比我，我問佢咩事，佢開頭話nothing，但隔左一陣又問我「係咪太無聊？又話彈琴」，
我心諗你問咁多做咩，我點交我份功課關你叉事，咪隨便覆佢「練唔切琴，同埋想練聲」，跟住佢竟然話「又話唔唱歌比我聽」
我當下成個人傻左，excuse me 咩叫唱比*你*聽？得你一個可以聽我唱歌？我好驚又好不安，結果就叫一個我好信任嘅frd登入我個acc，幫我對付下個阿sir，因為自己實在太驚。
之後嘅對話：「」係frd，[ ] 係阿sir。
「冇時間練琴，我好忙」[(秒回)哦] [你忙啦！]「Goodnight. See you tomorrow」[I should not see you tmr] [Should be wed]「Oh sorry 💀」「Wednesday then」
段對話就咁完左。
–
第四次係我喺story度po左個投票，問大家鍾意某遊戲裡面嘅邊個角色多啲。咁我見到阿sir竟然投票，但係我肯定佢係冇玩呢隻game，咁佢無啦啦投乜票？
–
其實我到宜家都好猶豫同唔肯定，其實呢啲對話喺師生之間係咪好正常，係咪我個人諗太多？敏感得滯？定係佢真係戀童？
講返一開頭偷影我相嗰度，前幾日喺youtube睇到某頻道講一個戀童嘅補習老師成日同小朋友影相，然後未經家長同意擺上自己私人ig，條片入面有個大律師話如果小朋友未夠16歲，就算佢同意同老師影相，都係需要家長同意。所以其實阿sir係咪干犯左啲咩法例？
–
我想問我宜家應該點做？即係佢作為我老師如果我block佢好似唔係幾好，有啲冇禮貌同唔尊重(?)，同埋驚佢上堂會玩針對。我亦都係一個容易心軟嘅人，block人呢家野我真係落唔到手，此生未block過人。
只能話最好彩嘅係佢喺學校f2f唔會搞我
ok多謝廣大嘅網民睇完我篇垃圾
sor for 錯字/唔通順/1999
po出來預左會比人屌，麻煩細力啲多謝🙏