#NSS學業
[Guest] 其實小朋友係唔係一定要被人打呢？
最近見到好多人講起補習，我就諗返起係我小學嘅時候，我去過一間補習社，裏面有一位補習老師。我間補習社就同好多人一樣，喺裏面做功課之後就會比補習老師對，但係我嗰間補習社仲有一樣嘢就係係做完功課後溫書或者默書。咁樣睇落好似冇乜嘢，但係每到默書嘅時間就係惡夢嘅開始⋯⋯
我間補習社有個規則，就係默書錯字多過佢嘅標準（多於五隻字）就要俾人打手板，仲要錯一隻字打五下（家長都知道，但係認為好合理）。但係正常嘅學生一錯當然唔會只係錯一兩隻字，肯定最少錯十幾20隻字，加加埋埋就要俾佢打好多下。
其實默書默錯只係好小事，使唔使打人啊，對於一個10歲都冇既小朋友來講，係會造成好大嘅心理陰影。點解唔可以互相好好溝通一下，理解一下我，就算溫得幾熟都好，都總會有一啲失手嘅時候㗎嘛！
純粹發洩一下，唔該admin🙏🏻🙏🏻