#NSS愛情
[GUEST] 中學女神係交友apps約我出街
我依家喺惠康做緊收銀員，中學畢左業5年，靠住平時死慳死抵都儲10幾萬，可惜我仲係A0 因為喺交友Apps識啲女 一聽到我做收銀就直接已讀不回了….
直到上個星期，我玩玩下交友apps ，見到中學女神原來都有玩，我就二話不說撳咗like比佢，希望佢會撳返like俾我。點知過左一陣，電話就彈出左「配對成功」，佢主動同我say hi，仲係咁搵話題，知道左我做收銀員都冇嫌棄我，仲話好耐冇見想約我食餐飯… 我足足自high左一分鐘呀！！單身左25年，終於都有機會比我出Pool啦！！
個日見到佢，雖然冇咗中學嗰陣時嘅青澀味道，但成為咗所有男人心目中嘅性感尤物，嗰條低胸摟屌裙，再加埋畀波袋。真係呢，搞到我要不斷控制自己下面吾好亂嚟，我諗女神咁盛裝打扮一定為咗吸引我啦（不停暗爽中）
佢就用對波繞住左我隻手， 好溫柔咁望住我，然後話我啲皮膚好似有啲差喎，佢話佢只係鍾意啲皮膚好嘅男仔。死啦？！ 我心諗我皮膚咁差，佢咪一定吾中意我囉，我咪成世出吾到pool? 然後佢又話我五官幾靚，執好D皮膚一定會好多女仔鍾意，因為我本身就好charm!! 之後我哋食完飯，佢就帶我上左一間美容中心，話呢間中心好出名同好平，做完Facial一定會溝死女。估唔到女神咁關心我呀！！為咗女神同我未來嘅幸福，我就直接俾咗八萬蚊做50次黃金金箔魚子醬換膚療程。
買完之後，女神仲俾我送到佢返屋企添，本來想上埋樓嘅，可惜女神話太快啦…估唔到佢咁守身如玉 真係好pure呀！
返到屋企打算再Text女神， 點知發現番返一個take，過咗幾日，都係一個take，我擔心女神唔知有咩事就打俾佢，但係冇人聽。我依家好擔心佢， 想問大家我有咩方法可以搵到佢？？