#NSS社會
[GUEST] 想同大家講 之前遇到一個戀童游水教練嘅經歷
當時好細個唔識反抗 希望唔會再有人中招
–
大概係我小學升中學嘅時期，跟過一個游水男教練，我嗰陣仲係一個比較細嘅女仔，差唔多踏入發育期。
–
游泳教練要有正常嘅身體接觸，好正常，但係佢唔係一般嘅身體接觸。佢之前同我老竇老母比較熟，所以有時游完水之後仲會一齊去食飯，佢就成日都會食飯嗰陣攬住我。有次要茶防曬，我已經伸咗隻手出嚟，想自己拎住支cream黎查，點知佢都係直接幫我搽咗我嘅手臂。我嗰陣已經好驚，好在佢冇查埋我大髀。嗰陣我同佢有WhatsApp，佢仲send過一啲「💋💋💋」嘅emoji俾我，好噁心。之後我好驚，跟咗呢個游泳會嘅第二個教練，不過係喺另一個泳池。之後俾佢發現咗，佢就喺WhatsApp度發晒癲咁樣講嗰個教練嘅壞話，仲不停打電話要我接，我唔想接佢電話，佢仲同我老竇講，要我聽佢電話。可能我淨係講呢啲例子，你哋會覺得我吹大左，但係我真心覺得佢係戀童，當時亦都真係好驚，所以乜都冇做，而家又已經冇晒證據，WhatsApp通話都已經刪除晒。但係我希望唔會再有人賴嘢。
–
佢係泳X游泳會嘅教練，XX鵬（去游泳會網站就會搵到）希望唔會再有人中招