#NSS愛情
[guest] 小妹今年F1，幾個月前聽同學講班上有個男仔鍾意我。個陣時覺得好噁心，因為個男仔又矮又醜，讀書又差，上堂仲成日講埋啲咸濕嘢。我返學嘅時候都開始避忌佢，專登暗示俾佢知我唔鍾意佢。但係佢上堂成日都望住我，我覺得好煩。我有時會專登啤返佢轉頭，但係感覺都冇用。
之後我越來越憎佢，因為佢真係好煩，講咸濕嘢嘅次數多咗，仲成日跟住我。搞到我越來越唔鍾意返學，唔想見到佢。佢message我嘅時候仲喺到扮乖扮無辜，話係佢啲朋友教壞佢，仲話佢真係好鍾意我。之後我話我好唔鍾意佢，但係佢依然死心不息，最後我就block咗佢。
到依家停課，我唯一開心就係唔使見到佢。但係我又想返學，又唔想見到佢。下個月就復課，我應該點做？請大家比啲意見，sorry for 1999