#NSS學校
[GUEST] 今年中二，班上朋友其實得兩三個，自問比較內向，唔係咁鍾意同人傾偈，但係性格唔係乞人憎，人哋如果主動搵我傾偈或者搵我幫忙我都會幫嘅。
不過班上有個唔係咁鍾意嘅女仔(稱A)，佢就比較肥啦，我有follow佢IG(佢fol我先 唔好意思拒絕返 同埋禮貌上都fol返佢啦 加上喺學校 費事見到都尷尬)睇住佢ig嗰啲post D到超誇張，唔可以話同平時兩個人嘅，不過佢啲相又勁瘦腿，勁大眼，又勁白……明白女仔貪靚係正常，不過我覺得有啲過分。
講吓平時係班情況，因為A有個女神friend(不過唔係話特別friend)佢都會成日過去搭嗲，A又成日以為自己好靚女，一舉一動都學晒嗰個女神，我覺得呢種行為真係勁嘔心，又肥，又留嗰啲好核突嘅劉海，總之唔係好襯佢style。
佢係班上面有一個好friend嘅，不過佢嗰個friend我覺得係冇問題，可能係佢個friend嘅角度上覺得A係冇問題先同A 做friend啦。
問題嚟啦，其實小妹真心想識多啲friend，但係又唔可以話表現得好討厭A，A嘅另外嗰個friend圈子都好闊，連埋連埋成班女仔friend，同埋佢哋認識咗好耐，突然之間融入人哋嘅圈子都好難，可能好多人都係話真心朋友其實只要幾個，但係我啲朋友係班上都係得我哋呢幾個朋友，唔係你問我就係我問你，有陣時想搵多個人/同人傾計幫忙都覺得尷尬，我都想有個充滿青春嘅中學生涯，可以同一大班friend一齊玩、一齊努力、渡過最美好嘅青春。
唔係話勁討厭A，唔會見到面就即刻反白眼嗰啲啦，只不過係接受唔到佢嗰種行為，萬一真係識咗一大班friend，兜兜轉轉一定會同A有一啲相處嘅時候(?)到時又變咗個好唔舒服嘅感覺(多多少少都有啲唔自在）🥲你又唔可以特登迴避A🥲🥲
想知我係咪可能無意中做錯咗啲嘢/點樣改善我喺學校嘅生活/點樣改善性格
SORRY FOR 1999
唔好對號入座thx🫶🏻