#NSS學校
[[GUEST]] 《關於我小四時與同學欺凌了一個同學這檔事》
事情發生喺我小四時，有四個女仔與一個男仔嘅「美好」回憶。
喺小四時，我同另一個女仔(簡稱A)係女班長。另外兩個女仔係中文服務生，其中一個係teacher’s pet(簡稱B)；第二個就成日串9男仔(簡稱C)。而被欺凌嘅男仔，就因為體臭問題而被排擠(簡稱D)。
就咁樣，開學冇幾耐，A,B,C就因為D好臭而喺度喑自討論，而我當時亦都在場，內容大概係：「D好臭、唔好接近佢，如果唔係要被佢臭到暈……之類嘅嘢。」
大概一個禮拜後，我哋嘅行為亦都變本加厲，由暗自討論，變成喺數簿時見到D本簿，會特登要拎嘢去夾佢本簿，而我當時覺得佢本簿冇乜特別，但為咗維持呢段「友誼」，而選擇同佢地做一樣嘅嘢。(補充一下，當時班長要幫服務生，男女總共有四個班長，有正、副班長之分，所以我哋兩個班長成日都會去「幫」B,C)
而欺凌，永遠都唔會減少，只有越來越多嘅痛苦。慢慢地，我哋嘅行為已經等同於直接同D講我地要欺凌佢，例如：直接扔D本簿落有水嘅洗手盆、洗完手特登整d水上去D本簿、有意無意咁喺佢附近講佢好臭⋯⋯當時我意識到好似over左，但又唔敢反抗ABC，只好默認係啱嘅行為，所以只係袖手旁觀，親眼望住ABC所做嘅「正確」行為。
直到上學期就結束，某次調位，C被調到D隔離，然後C突然之間發現佢冇想像中咁臭，而同我、A、B講，至此之後亦都冇欺凌過D，甚至C同D成為左好朋友(依家回想返，覺得C同D到底以咩心態去面對對方?????)
事情咁就結束左，小五開始就已經冇D嘅訊息，畢業後亦都唔同學校，連道歉嘅機會都冇，只能夠將呢段記憶銘記於心，提醒我唔好再犯同樣嘅錯誤、慎交好友。而AB亦都唔同我校，C同校但冇同班。
只能夠話係一段孽緣，回想過去只有後悔，一直諗緊，點解當時要為一堆只當我係代替品，冇人陪先搵我、當我係”frd”嘅人而做d錯誤嘅嘢……我咁做分分鐘真係會影響人哋成世…….更何況我係一個女班長。
Sor for 1999