#NSS家庭
[guest] 大家好，小妹f2，有個人一直煩擾咗我好耐。
嗰個人就係我爸爸，佢成日有咩都要批評，買咩都要鬧，但係啲嘢又唔係買俾佢 / 唔會牽涉到佢。
例如我阿媽買咗啲小手工同我一齊整，佢又話浪費時間又剩，最主要都係佢好憎呢啲嘢。我明白人人喜好唔同，但係日日買咩都要驚俾佢鬧，搞到我壓力好大，再加上我哋又冇叫佢一齊整，我唔明我哋買咩玩咩關佢咩事，咁樣就搞到我咩都唔敢買，都幾sad。之後屋企出咩事就賴我哋，其實都係幾個月買一次呢啲所謂嘅無聊嘢，影響唔大。
同埋我嘅任何興趣 佢都唔會尊重，例如追星，佢一見到就會模仿，但係係惡意嗰種，我笑佢就覺得自己好幽默，我唔笑 或者 表明自己唔鍾意佢模仿 就話我咁小事就嬲佢、話我小氣，一嚟我冇嬲，二嚟佢咁樣惡意模仿我真係笑唔出。
模仿都小事，佢有時會直接話邊個好樣衰，我明白公眾人物係會受到呢啲批評，但係喺我面前講真係啱咩。同樣地，我唔認同 或者 冇表情 就話我小氣話我又嬲，我覺得自己鍾意嘅偶像俾人咁樣批評好難唔嬲，我唔知點做，我又笑唔出 或者 附和唔到佢。
同埋我爸爸 同我媽媽鬧交就會發洩落我度，我會無啦啦俾人鬧，鬧嘅內容就係話我 平時嘅行為（花時間追星 / 成日on居居唔醒目）同埋我嘅外貌（我個樣睇落好蠢一定係成日俾人霸凌 / 我個髮型似女鬼 / 衣著好柒成個弱智咁）
我想問如果大家有咁嘅爸爸會點，反駁佢定接受？
（sor for 1999