#NSS個人
[GUEST] 小妹而家中一，好迷惘，唔知應該點算。 少負面長文sor for1999
小妹喺上一年好幸運咁入到一間band 1a女校，越嚟越唔知道自己可唔可以駕馭到，覺得壓力好大， 自己本身小學成績唔差但係唔知幾時開始好多負面情緒湧上嚟，加上有一位自己著依賴嘅好朋友移民亦都令學習動力下降。上到中學一開始都順利，但係唔知點解硬係覺得好多無形壓力湧上嚟，我喺學校入面根本唔可以做到自己，我的確識咗唔少嘅朋友，同佢哋玩都好開心，但係我喺佢哋面前我係覺得好唔自在， 學校同屬或者唔熟嘅朋友之間嘅social並唔係我鍾意嘅但係冇辦法，咁其實朋友或許都唔係咁重要我明白。我成績唔好， 小妹都有自知之明入呢間學校係意料之外，所以自己都唔係好在意要的成績，但父母都一直對呢個好有要求，但係令到小妹比較反感係佢哋會一直對我嘅成績有個要求，又會有時候笑我：「不如搵間band3學校算啦你都讀唔到囉。」我唔知應該點樣回應。 我爸爸做散工，媽咪係開舖頭忙所以一個禮拜見一兩次，無可否認佢哋對我好好， 都明白佢哋好忙，本來小妹係比較外向嘅好鍾意同佢哋分享 隨時或者乜嘢都無條件同佢哋講，但係每次換嚟嘅唔係佢哋嘅敷衍就係佢哋嘅反對或者開始講道理，我好多嘅事佢哋聽唔到睇唔到。有別於小妹嘅家姐，可能 一樣嘅階段佢哋喺嗰個時都好落力，但係到咗我呢度唔少嘅嘢都係只由小妹自己完成，但係佢哋依然認為我太多地方不足。佢哋錫我但係唔係我鍾意嘅， 我得唔到內心嘅滿足， 好似有時小妹會因為一啲事例如家姐同自己關係變好而開心，但係慢慢就會畀佢哋或者其他事打返落現實。 小妹都提到有一個家姐f.4成績好好，父母其他地方對佢管都冇咁嚴。我雖然都唔係一個乖乖女但已經唔敢發脾氣，我唔駁嘴佢哋都會一直鬧甚至揚言收手機等等，但係家姐好惡咁樣駁嘴佢哋冇任何動作，父母其他地方係唔偏心，但係我個心都係好唔舒服。父母偶然對我關懷備至，好似過咗嗰一日就會即刻消散曬，我又要過返每日自己對住自己嘅日子 。 我自細放假都會去婆婆屋企住，而家我都係好鍾意，唔再係因為細個覺得公公婆婆會錫曬自己， 係因為我會感覺到佢屋企真係唔止我一個，佢哋物質上 畀唔到我好嘅但係佢哋真係好錫我， 係佢哋注入咗我缺失嘅關心同埋陪伴，我唔會同佢哋發洩壓力但係我會感覺到好溫暖 ，小妹喺自己屋企雖然有其他人但係聽到嘅唔係父母嘅責備或者學業上嘅嘢，就係唔講嘢 。我好想再去抖下氣，我唔想留喺屋企。我最信賴嘅朋友已經唔係身邊。家庭、朋友、學業 、一堆課外活動、一堆補習造成的壓力底下都無從發洩 ，我成日覺得自己真係好冇用，又唔識講出嚟只係識自己喊。我開唔到口， 唔係我冇講過， 而係嘗試講過但係結果不盡人意。 我真係好想放鬆一下， 其實小妹知道更多嘅係自己心理問題，平日會好開朗一臉無憂咁，但係自己一個所有壓力就會爆曬，知咁樣落去學業唔會好，但係真係唔知點樣解決，太多太多嘅因素我真係冇辦法同父母坦白，我身邊亦都冇一個朋友係令我放曬心。 我已經睇唔到跟住落嚟嘅路。