#NSS個人
[GUEST] 睇到呢個post嘅讀者希望你哋珍惜身邊嘅朋友
我細個嗰陣係一個好唔識表達自己嘅人 所以身邊只有一個朋友
佢係一個台灣男仔 雖然大家唔係同一個性別 但係過往嗰10年幾我哋都係好好感情 因為我每個暑假同聖誕都會飛過去台灣搵佢
去到近呢一兩年我開始識諗 改變咗自己之後我就多咗朋友啦 但係我諗都冇諗過2020年嘅其中一次旅行就係我最後一次可以見到佢嘅機會 佢係一個健康狀況比較差嘅一個男仔嚟嘅 我啱啱到咗機場 我先知道佢因為病發所以入咗醫院 跟住我即刻趕過去嗰間醫院 見佢瞓咗好耐 我就陪咗佢幾個鐘 我其實好想同佢道歉 (因為上一次去台灣嗰陣我哋鬧交 直到我返香港嗰日 我哋都係要仲冷戰緊 嗰次真係第一次鬧交 但係偏偏嗰陣冇道歉) 我等咗好耐 終於見到佢開眼嘅吓 但係佢帶咗氧氣罩 所以講野唔係太清楚 我今次終於可以同佢道歉 本來以為佢好快會冇事 好快可以出院 結果去到第2日 我收到一個由佢 Daddy Mammy sent 俾我嘅一條message
[佢啱啱走咗啦]
雖然呢件事已經過咗兩年 我宜家亦都成為咗一個中一學生 但失去咗最好嘅朋友嘅嗰一種突然 令我一直到記住 一位唯一陪我成長嘅朋友就咁離開咗 依然有好多遺憾嘅事 就算宜家再好嘅朋友陪我 都係覺得有一種特別嘅寂寞
睇到呢度嘅讀者 我都想講一句 珍惜眼前人 無論你眼前嘅人係家人 朋友或者伴侶都好 你所做嘅嘢可能下一秒已經做唔到 唔好後悔自己所做嘅嘢 好好珍惜嗰個同你創造回憶嘅人💙