#NSS個人
[guest] 唔知大家有冇同我一樣，間唔中得閒無聊就會睇返細細個以前啲相。之前睇嘅時候都將注意力擺係啲人到但我近排睇嘅時候，就多睇左張相嘅背景。
之後我發現真係有好多嘢都變曬，除左好多商場，樓宇翻新左之外，都冇左好多娛樂設施，例如以前啲公園真係好多嘢玩，甚至有啲仲有卡通主題like花生故事之類，每次見到呢啲都會諗返起以前細細個真係好多時間同一家人出去玩，但而家返工嘅返工讀書嘅讀書，根本唔會特登抽時間禮拜六日出去玩。
同埋我想講時間真係好快好快，每次睇相都好想翻返去以前嘅日子，放假就出星光大道行下，將對手放係個啲明星嘅手印上面，然後畀阿媽話污糟邋遢又亂咁摸，再同個啲雕像影相，記得有年好似仲有麥兜，之後扭屋企人買雪糕車嘅雪糕食。
每次諗到呢啲都覺得個心空nel nel ，唔係話而家嘅生活好差，甚至而家嘅生活質素可能仲高左，但我都係覺得以前嘅生活開心一百倍，至少冇咁多嘢諗同煩惱，身邊嘅人又未老未變得生疏。
第一次投稿1999請見諒，純粹想分享下呢總心情，唔知大家又會唔會間唔中懷念以前嘅生活？