#NSS愛情
[Guest ] 好唔想承認對方已經係我個ex。
小妹今年F3，幾個月前係網上識左一個男仔。因為傾得好埋同埋好多共同點，好快就一齊左
一齊嘅嗰段時光雖然因為彼此確診而無法見面，但係仍然好開心好幸福，好想真係有一日可以f2f陪到對方
但係後來有一日我同佢call個陣俾我阿媽聽到我講粗口 同少少黃色笑話咁
我阿媽本身又係好傳統個啲 佢覺得我咁樣同人傾計係放蕩，不守婦道
一邊喊一邊講自己有幾自責冇將我教好 一邊話要打俾個男仔鬧佢etc
我承認講粗口係我唔啱在先 但係洗唔洗咁…
我唔想連累到對方就提左分手
其實真係好唔想咁樣 好自責 點解自己乜都做唔好 又成日連累身邊嘅人
同時覺得自己好對唔住阿媽 覺得自己好噁心 但係又同時好唔捨得個男仔 依然好愛好鍾意佢
真係好難得搵到一個真正錫我 愛我 記得我所有嘢 又會尊重我嘅男仔
以前其實有一段唔係好開心嘅感情經歷 好難行左出黎 結果就要因為我阿媽而分手。
我覺得好對唔住個男仔，係我辜負左佢係我身上花費嘅時間同愛
亦都好憎自己 點解成日淨係識令阿媽失望
其實好徬徨
完全唔知自己應該點做
放唔低個男仔…亦都好唔想承認佢係我個ex
我依然係好愛佢..
後來終於見面了 雖然係以朋友嘅身分，但係我真係壓制唔到心入面嘅衝動去拖對方隻手
就算對方冇甩開都好 但係都係覺得自己咁樣好煩好噁心明明hurt左人飛左佢仲想要對方愛自己
好討厭咁自私嘅自己 但係真係好鍾意
我唔知應該點做
好徬徨
sor for 1999 第一次投稿 講野可能會好無邏輯
大力屌唔緊要
admin post ig pls
唔該曬admin 同埋睇到呢度嘅大家