#NSS其他
[GUEST] 見到有個 post嘅樓主好鍾意大提琴，每日都練琴，真係自愧不如。
我有學鋼琴，自問都好鍾意音樂，但覺得古典音樂冇咁容易投放感情，因為我唔係好感受到作曲人嘅心情，特別係古典時期，同巴洛克，浪漫時期就好啲。
雖然我知道佢嘅情緒波動，但聽唔到入邊嘅故事同心境，我覺得彈琴嘅時候腦海要場面同幻想先彈得由感情，所以我一直都比較享受流行曲（有歌詞會好啲）。
所以問下各位熱愛音樂嘅人演奏嘅時候個腦會諗乜去投入個音樂，點樣去感受音樂入面嘅故事同作曲人嘅心境？或者你地熱愛音樂咩地方？
同埋各位會唔會課堂外自己進修，有冇一啲建議令我可以改進自己。仲有我完全做唔到聽個音就知道咩音嘅能力，我唔知應該點努力先可以做到，大家可唔可以俾我啲意見？萬分感謝！