#NSS愛情
[GUEST=]] 算不算是一種煩惱？
話說小妹前幾個禮拜，同男朋友一齊左啦。當時我仲喺度懷疑人生，究竟係咪真係一齊左，打機識嘅。
.
咁呢，呢排我就慢慢開始瞭解佢啦。咁佢好鍾意講笑，例如話下啲咩我係非洲人啊/巴基斯坦人咁啦（佢沒有歧視），呢一方面都係嘲笑緊本人的膚色。咁我就冇乜所謂，講下笑咁。
.
但係，佢唔係講一次兩次就算，係講好多次。咁講得多人都會無聊嘎啦。
.
講翻，我自認自己又唔係好講得笑，有時人哋講笑，我有可能會當真。所以我都唔係成日同人哋講笑咁啦。
.
OK，除咗講膚色笑話之外，佢有時又會講：「你鍾意啦」 睇落去可能只係簡單的4個字，令到我會覺得好似係我令到佢唔開心/嬲咁，而且佢仲會不停咁講”你鍾意啦”，多少會令人反感。
.
可能佢會認為我小器、唔開得玩笑等等，咁我唔反對佢咁樣認為。 成日講重複嘅笑話，搞到我唔知點樣應佢好。唔應佢佢又話我嬲佢。。。 其實我冇嬲，我只係唔識點回應你嘅笑話。
.
請問大家，我可以點樣婉轉地暗示佢唔好太過多地講笑同埋講”你鍾意啦”？
求 admin post🙏🏻🙏🏻