#NSS學業
[GUEST ] 點解讀書都要讀到咁辛苦
小妹今年揀科，因為冇咗暑假個final exam就變咗7月，UT就5月中左右，自問成績唔係好差，中上嘅人，全級140人都有頭40名，但就係英文差啲。
當我知自己英文差嘅時候，我就不斷去搵方法，又操卷又勝，咁係上次嘅考試reading就進步咗，listening就比較低，所以成個英文總分就低咗。
問題嚟啦，因為小妹屋企經濟問題，咁係冇補習嘅，我唯一方法都係靠自己，再唔係就問老師，但個老師就針對我，點解會針對呢？因為之前全班想投訴佢我係有份投訴過佢(學校好多師兄師姐都想投訴好耐,有啲係投訴過,但係學校就冇乜點處理)咁我班投訴嗰陣其中我又係受害者，甚至私底下同個嗰個老師傾過，家長又見過，個投訴原因就係個老師態度問題，同學問佢嘢佢就會問返佢係咪聾咗，有冇聽佢講嘢。有一次仲離譜問同學係咪冇大腦，唔識得思考，乜嘢都要問老師等等嘅說話，最尾仲要係冇同個同學解釋嗰條究竟點做，串完人鬧完人就走人，我就覺得身為一個老師唔應該講啲咁嘅嘢，咁投訴完見到佢都有改下，就係咁唔好彩中二中三又係佢教。
到而家嘅中三，佢個態度問題又嚟啦，問問題永遠都淨係問我，答啱嘅就繼續問，答錯俾佢串，我問佢嘢，佢又話我態度有問題，冇禮貌又勝，第時出嚟社會生存唔到，冇人請我，冇人會鍾意我，仲要當住全班30幾個人講。即係自問我本身係一個比較安靜，有禮貌嘅人，我講嘢之前都會思考下應唔應該講同埋用乜嘢說話/語氣去表達。
我俾人話冇禮貌佢係真係第一個，就係咁樣我近排溫書壓力又大咗，個腦淨係諗如果英文衰咗咁點算，畢竟主科嚟同時又唔想俾人串。因為我已經唔想再問我學校個老師，次次俾佢串完都冇咗自尊心同埋唔開心，無緣無故俾人鬧，俾人串冇教養，真係沉思過自己係咪真係咁冇禮貌，同埋咁蠢。不過而家都冇人咁得閒會投訴啦，諗住自己死頂，但發現自己真係太放上心，佢講過嗰啲嘢我可以記住成個禮拜，好驚有一日真係頂唔順，因為日日有英文堂要日日見住佢，上zoom都可以隔住個mon對住全班人串我，只係希望快啲到中四。而家就係唔知英文點溫，有啲skills仲係掌握到一半，本身想問老師但而家好似驚咗佢，如果問同學佢哋又唔會咁得閒教我，因為佢哋自己都要溫書，諗諗吓都好似真係淨係靠自己。同埋而家就嚟ut，溫得好辛苦，成個下學期淨係對住部電腦上堂，根本就冇效率，甚至係跟唔上，搞到而家好chur咁樣溫，有啲跟唔上進度就自己睇example由頭學起，再加埋英文嗰邊嘅壓力，好驚有一日頂唔順爆煲🫠
篇嘢有啲位純粹發洩吓，重點都係想問下各位哥哥姐姐有咩溫英文有效率嘅方法？Thx😢🙏🏻
雖然老師嗰邊我唔知係唔係小妹玻璃心，或者係唔係小妹年紀仲未夠成熟，入世未深未識諗嘢。如果要屌希望細力啲。🥲🙏🏻🙏🏻🙏🏻
sor for1999