#NSS學校
[Guest] 希望啲「師姐」唔好自以為是。小妹係個f2嘅學生，以前小學到f1都一直好崇拜啲師姐，覺得佢哋係大姐姐，會當佢哋係偶像。
–
上到f1，喺IG識咗啲師姐，啱傾啱玩我就會當佢係best friend，唔會當佢係師姐。我覺得咁樣先係健康嘅朋友關係。如果你要我當你係師姐咁同你相處，我唔會同你做朋友。
–
有啲唔正常嘅07師姐，好鍾意歧視啲低f過自己嘅人，有一次一個07只係大我一年嘅師姐，講咗句：「哇，你哋級都有人會着dr ma，好好笑囉」（大概係咁）我就話：「咁你自己都着緊啦！」，佢竟然話：「我f3喎，點同啊。」佢認為自己f3著dr ma 皮鞋係正常，f2學生着dr ma皮鞋唔正常。佢講咗呢句嘢之後我頓時覺得佢十分之戇鳩，已經默默歧視佢嘅行為。如果着對鞋都要分年齡層，希望你可以搬離地球。
–
呢個人真係好重師姐包袱，有一次有一個form one上咗嚟佢哋嗰級，佢話：「呢個人咁矮嘅冇見過喎，唔知佢f幾」佢同佢朋友討論嘅聲量極為大聲，令到嗰個f1嘅同學都可以清楚聽到。然後嗰位同學就行咗過嚟話：「我f1嘅。」，就走咗，然後嗰個師姐同佢個朋友講：「嘩佢好撚串喎。」？我心諗，你咁大聲喺度講人哋，人哋都未話你冇禮貌，人哋答你話佢串？佢仲經常鍾意話我哋嗰屆啲人好奇怪。但係佢從來唔檢視下自己。
–
更過分嘅係，佢成日覺得人哋抄佢着衫，同一種顏色佢都話人哋抄佢着衫。
–
呢段文章雖然係大部份都係鬧緊該位師姐，但係我知道香港好多中學，都存在歧視低年級同學嘅問題，甚至會欺凌一啲比自己矮小嘅同學。我希望佢哋睇到呢篇文會反思一下，自己曾經都經歷過低年級嘅階段，冇需要去歧視任何人。給予師姐師兄呢一個身份，只係因為你哋俾我哋早少少入學，唔代表啲任何地位，請停止一切
可笑行為，tks.