#NSS個人
[Guest] 唔知大家對混血兒係有啲咩印象， 大多數人都認為混血兒係識講兩種語言同埋個樣比較似外國人。等我分享下作為一個混血兒嘅經驗，唔係好似大家想像中咁好。
我係一個混血兒，爸爸係黎巴嫩人，媽媽係香港人 (識講廣東話，英文同埋阿拉伯文)。我係香港出世，5歲移民去英國。小學返學個陣好開心，同學同老師都好nice。中學之後人生已經好唔掂，同學不斷問我係邊度嘅人，我話 “I am Lebanese and Chinese mixed”。佢哋當我係動物咁看待，小息嗰陣就大把人呢圍住我同我玩。有啲男仔就直情想問我攞ig，我同佢哋講話我同你哋冇咁熟等我哋熟啲先畀。雖然話我係有friend，但係小息好多同學衝入嚟同我玩嘅時候佢哋都阻止唔到。上到year 8之後已經有一大堆同學問我身家，我真係好想講嘅係使唔使我掛塊個人資料板喺我身上面。跟住有好多同學就問你啲英文好叻呀，識唔識講阿拉伯文同廣東話，有陣時聽得多呢啲問題都會覺得好煩。就係咁year 8至到 year 11 係咁畀人圍住嚟煩，打後 year 12轉校到依家 year 13 就嚟讀大學，喺嗰間學校個個同學都係對我好似普通人咁。我日日都識到幾個知己好友，佢哋當混血兒都係普通人咁樣對待。
最後想同大家講嘅係唔該當混血兒係普通人咁對待就得㗎喇，唔使誇張到走去日日問人哋嘅身家，其實混血兒都好歡迎普通人同佢哋做friend。Sorry for any misunderstanding, 中文差 🥲