#NSS個人
[GUEST] 如果你覺得大家嘅興趣差唔多 /大家性格差唔多，又想識多個朋友嘅，希望你留言啦
小妹今年f3，相識frd (prefer f3-f5)
鍾意: 心理學, Bio, 戲劇, 小說, 行街, 影相, 聽音樂, 整嘢食, 睇劇睇書都ok, 藝術。鍾意浪漫, 文青嘅嘢。
性格就係比較善良, caring, 算係樂於助人, 極少串人, 比較文靜, 同埋慢熟 (熟咗之後& 啱傾先可以好多嘢講) MBTI係 ispf。
依家讀緊英中，都想識個有共同興趣, 性格相似, 又啱傾嘅friends。
如果識人，都想識番個係正經讀書，比較prefer係band1-band2a嘅人。我唔係歧視band2 band3嘅! 就算你係band2 band3，只要你都係勤力讀書，有上進心嘅，或者你人品真係好好嘅，我都好樂意識你! 主要係睇你人品&會唔會用心讀書，並唔係睇你間學校。我絕對唔係狗眼看人低嗰種人! (Ps 我唔係咩學霸，又唔係話特別鍾意讀書，溫書只係已經麻木咗 ，迫不得已，係迫自己溫嘅，唔係樂在其中。而喺學校嘅成績都係中上) 因為我算係好易畀人影響，我都驚識咗個貪玩/好唔用心讀書嘅人，自己都變成咁。
其實我喺學校唔係話冇朋友，都有一個圈子，但我同佢哋都算係表面frd。表面上喺學校成日一齊 ，但同佢哋傾偈係唔會覺得好開心，而且大家都唔係好啱傾，啲話題都係勉強逼出嚟嘅，我同佢哋一齊只係有frd好過冇咁解，而且大家興趣唔同，性格唔似。
真正嘅好朋友一齊，係會覺得好開心好快樂，可以暢所欲言，又可以舒服相處，大家三觀合，你講咩佢會get到你。但我同佢哋唔係咁。
我都有一個bff，同佢一齊相處好舒服，不過同佢嘅興趣就完全唔同，性格都唔太似，啱傾就一時時咁樣， 不過大多時間都啱傾。
我仲有一個friend佢同我性格好似，鍾意嘅嘢都一樣，大家好啱傾，相處起來好舒服，而且大家經常心有靈犀。但佢都有自己好好嘅朋友，雖然我同佢關係都好close，但就冇佢同佢嗰個bff咁close。
有時遇見有啲人，我同佢傾過幾句覺得係幾啱傾， ig見佢po嘅嘢同去嘅地方，發覺我哋都有幾多共同興趣，但當我想識佢或者某啲人嘅時候，佢哋身邊已經有好好嘅朋友，我根本好難融入佢哋，加上無啦啦走入佢哋嘅圈子同佢哋傾計咁樣真係好怪而且kam。
Anyway 如果你覺得大家嘅興趣差唔多 /大家性格差唔多，又想識多個朋友嘅，希望你留言啦
期待有緣識到你，希望係同你啱傾又熟到
Sor for1999🙇♀️