#NSS其他
[GUEST] Sor for 1999，長文警世
以下內容我會適當打馬，即唔開名，以保障番我自己，因為尼位補習先生已經試過用抹黑、報警、律師信及向學校施壓恐嚇另一位苦主。另外就係佢短短一段時間既溝通內令人火滾既野太多，我會講七至八成左右。
交代番背景先。事緣係我同幾位同年嘅學生一齊報某一科既補習，係IG見到一個睇落唔錯既私補，今佢有個係自己組隊上堂既模式，而我哋幾個其實尼自兩間唔同嘅學校啦，時間上都難夾，最後就想禮拜x補，今我哋其中一個人去同佢溝通先既，其間其實已經不斷今串尼位同學，極之無禮貌，連最基本嘅尊重都無。
今問佢禮拜x仲有冇位，跟住佢話要7點後，之後又話七點半，因為補習時長一個半鐘，而我哋過半人都係第二日會有統測(ps.同一間學校，每星期都會有統測係學校政策)，都唔想今夜番屋企連書都無得温，就好委婉今同佢講左，跟住佢就串我地話 「唔緊要，我而家先知原來小測都係最後一晚先溫唔可以平日分配好時間」 ，即係今，我相信係重要測考前一晚好多學生都會同我哋一樣想再温熟啲，我並唔覺得我哋統測前一晚想温書有咩問題，即使平日有温開，我再温又有咩問題？啊補習老師，你學生時期測驗考試前一晚唔温書架？
跟住我哋再傾時間，佢話下個禮拜最早可以六點半，我地都有啲黑人問號，問係咪堂堂都唔同時間。佢就話 「相信已經在這混亂的時代係最好的遷就」「我就算定相同時間恐怕你地都未必每堂得」，比我既感覺係佢覺得堂堂唔同時間係一個好好嘅安排，係遷就更學生，但係我並唔認同。
之後我哋因為以下既原因决定唔揾佢補，如下：
1.引象太過負面
2.佢係自己IG度開人全名公審另一位苦主
3.我哋作為消費者去夾時間佢已經十分之唔耐煩，好難想像佢幫我哋補既時候我哋聽唔明要求詳細解釋既時候佢會係咩態度
4.連最基本既尊重都冇
5.除左報名表格要求填寫過量個人資料(IG名，住址，學校英文全名，學生證正面，中英文全名等等），上堂更要俾佢身分證，話係作核實用途
6.溝通過程一直俾人一種想人快啲入數既感覺，似補習界PUA
雖然佢一路上既溝通都好無禮貌，但我哋都係選擇忍住把火以禮貌嘅方式同委婉既態度向佢交代我哋决定唔補，表示麻煩到佢唔好意思，佢就繼續串多我哋幾句，跟住退GP，之後串一開始同佢溝通既嗰位同學並以較難聽既說話鬧我哋幾個。
事後我哋實在太燥再係IG搵有關尼個私補既資料，發現佢已經係IG block 左有填form既同學（有寫IG名嗰份野），並且係精選限時動態中見到佢對名校生既態度同對我地既態度完全唔同，至少有禮貌好多，因為我哋自問學校的確係中下級別既學校，所以十分之懷疑佢有少少歧視我哋尼啲九流學校既學生。此外，佢應該都知自己有問題，打過編類似徵水軍既文(已附圖但IG名我打咗馬）。亦都發現IG有佢尼個私補既苦主開既苦主合集account ，直接打個補習IG account 加多個n 或打 苦主 就有。其餘其他苦主既苦水，唔係我親身經歷就唔多講啦。
總結：俾左個人資料佢其實真係有啲驚，不過好彩未入數。我從來未見過一個今無禮貌既補習先生，甚至覺得佢無家教，作為一個老師，你連最基本嘅尊重都唔識，唔好誤人子弟啦。IG block 我哋其實真係好6uo ，幾大個人啊？你覺得你教得好所以你自信、有底氣唔係問題，但係都唔該有最基本嘅尊重。真性情同口臭係兩個概念。奉勸大家補習前(特別係選修科)真係要查清楚資料，唔好洗冤枉錢，同埋要保護番個人資料。
唔該admin po IG page, thx