#NSS學校
[港島西某男校] 轉校？揀邊間？
交代下背景先：
小弟今年F2，喺間band 1A-B嘅學校讀緊，上學期exam大約排40幾，鋼琴7級。
其實小弟間小學得我一個入咗嚟呢度，而且間學校本身有直屬小學，要識到frd子已經係難上加難。況且最近發生咗一連串唔愉快事件，所以想離開呢間學校，轉下新環境。
入正題。目前為止呢就有兩間想報：一間係隔離區嘅傳統官校；另一間係九龍城嗰邊嘅直資學校。
講下官校嗰間先。小弟本身有幾個frd喺嗰度讀嘅；而且交通方便，搭鐵坐幾個站就到。相對上比較concentrate on學業同埋music。
小弟反而比較擔心直資嗰間。雖然以小弟而家嘅排名+鋼琴唔知夠唔夠資格被取錄，但小弟驚到時真係入到去，會識唔到frd。呢間學校就音樂與體育都咁important，但體育係我嘅弱項嚟，可以話ruin咗我份成績表。
直資嗰間5月11號就截止交表…唔知咁多位ching覺得邊間好D(應該都估到…掛)，或者有冇其他學校建議🙇♂️Thx admin