#NSS學校
[not really want to show] 女校真係會有愛情嗎
我係一個來自女校嘅中學生
大家都話我性格比較似男仔 唔斯文 又唔鍾意睇書 淨係覺得打籃球好適合自己 小學我基本唔同女仔玩 亦都唔覺得自己會彎 （鍾意女仔
因為阿爸阿媽擔心我會係中學怕拖
所以就叫我入左間女校 本身以為中學生活都會好平淡 點知事情完全發展到意料之外
我係度認識左一個同級嘅校隊隊長 佢讀書運動比賽都好勁 我一直好仰慕佢 其實我小學比賽都見過佢幾面架 所以對佢嘅印象都好深（實在太勁）
偶然一次我突然發現我哋兩個嘅喜好幾乎一樣
諗法又一樣 簡直似失散多年嘅姐妹😮💨 所以我哋兩個開始慢慢熟絡 有一齊玩一齊傾心事交換秘密 我好鍾意佢（暫時係朋友鍾意咋）
又有一次我嘅另外一個好朋友a突然講話佢好似鍾意隊長（我地三個都係friend）我唔知點解好似呷醋咁 莫名其妙情緒低落 成日都冇搵過佢 我都冇理由同佢講我唔想佢同a太熟呷醋呀嘛
而且我都冇呢個身份可以限制佢交友
我起初都唔相信我係同性戀㗎
但係我發現每次佢一過嚟
我嘅心會不停跳😅耳仔都會紅埋 我先至發現我好似鍾意佢
突然有一日佢無啦啦send message俾我表白
我其實好開心㗎 但係我真係唔知點解佢會突然send呢啲嘢 唔知係大冒險輸咗定咩呢⋯⋯但係我真係唔想繼續呷冇身份嘅醋 所以都表明自己鍾意佢 你以為我哋係一齊啦？事情梗係冇咁簡單啦。第二日校隊練習 佢好似完全唔記得咗呢件事咁 我d隊友有陣都會開玩笑組我地兩個cp
我都係笑咗一笑冇講過嘢 而佢就擺明講清楚我哋兩個冇關係 其實我唔明到底我哋兩個係咩關係。
女仔拖吓手其實好正常 我係咁覺得㗎 其實佢女人緣真係幾好 有啲佢嘅friend甚至會拖佢隻手我又唔可以講啲咩 但係我真係忍唔到 所以就搵我嘅friend拖手仔（有D以牙還牙feel）佢望到就擰開個頭 我問佢有冇呷醋 佢一定得冇 嗰日之後我哋兩個就好似普通friend咁 冇拖手冇嗌對方特別嘅稱號 我想知 我地兩個到底係咩
我寧願佢同我講一句分手我都知我哋係一齊過但係我哋而家嘅關係好似曖昧不清咁樣 又好似正常friend嘅相處模式 想請問大家呢種情況應該點樣。