#NSS其他
[Guest] (我嘅文筆比較差，希望大家見諒）小妹今年F3,有個識咗好耐嘅friend（下面叫佢做A ）。咁F1嗰陣無乜friend，就經常同A傾電話，傾耐咗之後唔知點解又同佢啲同學一齊傾，咁我當識多個friend冇乜問題……
但係傾傾吓計之後發現佢哋五個成日傾有關佢哋學校嘅嘢、因為唔係同一間學校所以冇乜嘢共同話題，佢哋溫書嘅嘢同我唔同，又冇乜嘢共同話題（我feel到自己好似被bully咁）但係我知道佢哋係無意嘅！
到F2嘅時候我開始有自己嘅friend(玩得好埋嗰隻）咁之後A嘅同學就話我唔理佢哋！然之後就越嚟疏就冇乜點玩過、傾過計，但係我依然覺得A係我嘅好朋友、我唔太想同佢散！但係冇同佢班friend玩之後佢都冇乜點搵我（經常係我搵佢佢先搵我），我最後一次見佢已經係幾個月之前。我唔知點樣再同A溝通，因為就算一齊傾偈都feel到有少少僵，好似有咗隔膜咁！（希望大家可以俾啲建議我）